Zaŋdylyq pen tärtıp qaǧidatyn qamtamasyz etu şeŋberınde Sybailas jemqorlyqqa qarsy qyzmet jemqorlyqtyŋ, onyŋ ışınde joǧary lauazymdy adamdar arasynda jolyn kesu boiynşa jüielı jūmys jürgızude. Mäselen, Qostanai qalasynyŋ №2 sotynyŋ ükımımen Auyl şaruaşylyǧy ministrlıgı Agroönerkäsıptık keşendegı memlekettık inspeksiia komitetınıŋ töraǧasy D. Äbdıkärımov orta qauıpsızdıktı tüzeu mekemesınde merzımın ötei otyryp, 3 jyl 6 aiǧa bas bostandyǧynan aiyruǧa sottaldy.  Ol jeke kompaniialardyŋ basşysy S. Ospanovtan şegırtkege qarsy pestisidterdı jetkızu jönındegı qyzmetterdı memlekettık satyp alu şartyn jasaǧany üşın 4,4 mln teŋge somasynda para alǧany üşın kınälı dep tanyldy. Sot S. Ospanovqa 3 jylǧa bas bostandyǧynan aiyrudy taǧaiyndady. Sonymen qatar, sottalǧandarǧa memlekettık qyzmette jäne kvazimemlekettık sektor subektılerınde qyzmet atqaruǧa ömır boiy tyiym salynady. Ükım zaŋdy küşıne engen joq.

Anyqtama üşın: Konstitusiianyŋ 77-baby 3-tarmaǧynyŋ 1-tarmaqşasyna jäne Qylmystyq-prosestık kodekstıŋ 19-baby 1-bölıgıne säikes, qylmystyq qūqyq būzuşylyq jasaudaǧy kınäsı sottyŋ zaŋdy küşıne engen ükımımen belgılengenge deiın ärbır adam kınäsız dep esepteledı.