«Bız bırazdan berı elımızge atom energetikasy kerek ekenın aityp kelemız. Menıŋ oiymşa, būl mäsele 10 jyl būryn şeşıluı tiıs edı. Referendum AES salu tūrǧysynda oŋ şeşım bergenın eskere otyryp, endıgı ıs-qimyldy jyldam jüzege asyrǧan jön», — dedı A. Bakdolotov tılşıler sūraǧyna jauap bere otyryp.
Onyŋ paiymynşa, elımızge bolaşaqta qoldanystaǧy jylu elektr (kömır jaǧatyn) stansiialarynyŋ ornyna kem degende üş AES salu kerek bolady.
«Bızde jaŋartylatyn energiia közderın de, atom energetikasyn da qatar damytu qajet. Būl ekeuın bır-bırıne qarsy qoiuǧa bolmaidy, sebebı osy ekı baǧyt ta taza energiia sanatyna jatady. Atom elektr energiiasy damyǧan elderde būrynnan paidalanylyp keledı. Būl saladaǧy ärbır elementtıŋ qauıpsızdıgı qamtamasyz etılgen. Ärine, bastapqyda AES qūrylysyna qomaqty investisiia qajet bolady. AES salynǧannan keiın onyŋ ūzaq merzımde energiia beruge qauqarly ekenın nazarǧa alsaq, ol özın aqtai alady. Aldaǧy 15 jylda Qazaqstanda üş AES boluy kerek dep sanaimyn. Sebebı osy aralyqta bızdıŋ ekonomikaǧa auqymdy elektr energiiasy qajet», — dedı sarapşy.
Onyŋ sözıne qaraǧanda, elektr energiiasynyŋ tarifı qalai bolǧanda da öse beredı, iaǧni būl jaǧdai AES qūrylysyna bailanysty emes. Sebebı elımızdegı jylu elektr stansiialarynyŋ basym bölıgı eskırgen.
«Eger Ükımet AES qūrylysyna halyqaralyq konsorsiumdy jūmyldyru şeşımın jasasa, onda bırneşe el tartyluy mümkın. Halyqaralyq täjıribe osyndai şeşımder jasalyp jatty. Sondyqtan bızde de konsorsium boluy mümkın dep oilaimyn», — dedı Aidyn Bakdolotov.
Aita keteiık, bügın Ortalyq referendum komissiiasy 6 qazanda ötken respublikalyq referendumnyŋ tüpkılıktı qorytyndysyn jariialady.
Oǧan säikes, dauys beruge qatysqan azamattardyŋ 71,12 paiyzy nemese 5 561 937 adam Qazaqstanda atom elektr stansasyn salu mäselesın qoldady. Al qarsy dauys bergender sany — 2 045 271 adam.
Jaqynda Memleket basşysy Qasym-Jomart Toqaev AES boiynşa referendumda dauys bergennen keiın BAQ ökılderıne şaǧyn sūhbat berdı.
«Ükımet saraptamamen ainalysyp, tiısınşe kelıssözder jürgızuı qajet. Degenmen, būl — mäselege qatysty menıŋ jeke közqarasym. Qazaqstanda eŋ ozyq tehnologiialarǧa ie älemdık kompaniialardan tūratyn halyqaralyq konsorsium jūmys ısteuı tiıs. Bıraq, mūnan arǧyny ömır körsetedı», — dedı Qasym-Jomart Toqaev.
