Qorqyt Ata atyndaǧy Qyzylorda universitetınde adam saudasynyŋ aldyn alu jäne eŋbek qanauy qūrbandaryn anyqtau mäselelerıne arnalǧan «Adam saudasyna jol joq» taqyrybynda profilaktikalyq kezdesu öttı.
Is-şaraǧa Qyzylorda oblysynyŋ jūmyspen qamtudy üilestıru jäne äleumettık baǧdarlamalar basqarmasynyŋ, oblystyq Polisiia departamentınıŋ Ūiymdasqan qylmysqa qarsy küres basqarmasynyŋ, Memlekettık eŋbek inspeksiiasy komitetınıŋ Qyzylorda oblysy boiynşa departamentınıŋ, Qalalyq jūmyspen qamtu jäne äleumettık baǧdarlamalar bölımınıŋ, sondai-aq adam saudasy qūrbandaryna arnauly äleumettık qyzmet körsetetın ükımettık emes ūiymnyŋ ökılderı qatysty.
Kezdesu barysynda studentter men oqytuşylarǧa adam saudasynyŋ aldyn alu, adamdardy zaŋsyz äketu, äkelu jäne satuǧa qarsy küres şaralary, bala eŋbegın zaŋsyz paidalanudyŋ jolyn kesu baǧytyndaǧy jūmystar turaly aqparat berıldı. Sonymen qatar adam saudasynyŋ negızgı belgılerı, kümändı jūmys ūsynystarynan saqtanu täsılderı jäne qūqyq qorǧau organdaryna jügınu tärtıbı tüsındırıldı.
Sondai-aq oblystyq Polisiia departamentınıŋ Esırtkı qylmysyna qarsy ıs-qimyl basqarmasynyŋ qyzmetkerı jastar arasynda naşaqorlyqtyŋ aldyn alu maqsatynda esırtkı zattarynyŋ adam aǧzasyna tigızetın ziiany, onyŋ äleumettık saldary, esırtkınıŋ taralu joldary, zaŋnamada közdelgen jauapkerşılık pen qataŋdatylǧan jaza türlerı turaly baiandady.
Būdan bölek, internet-alaiaqtyqtyŋ keŋ taralǧan täsılderı men olardan saqtanu joldary jönınde tüsındıru jūmystary jürgızıldı.
Mūndai kezdesuler jastardyŋ qūqyqtyq sauattylyǧyn arttyryp, qoǧamdaǧy özektı qauıpterdıŋ aldyn aluǧa baǧyttalǧan maŋyzdy şaralardyŋ bırı bolyp tabylady.
