20 säuırden bastap Qazaqstan Respublikasynda azamattyq qauıpsızdıktı nyǧaituǧa baǧyttalǧan maŋyzdy respublikalyq aksiia bastau aldy. Atalǧan şaranyŋ negızgı maqsaty – zaŋsyz saqtalǧan atys qaruyn, oq-därıler men jarylǧyş zattardy azamattardan erıktı türde qabyldau arqyly qoǧamdyq qauıpsızdıktı arttyru, qūqyq būzuşylyqtardyŋ aldyn alu jäne halyqtyŋ ömırı men densaulyǧyn qorǧau. Aksiia aiasynda ärbır azamat zaŋsyz saqtalǧan qarudy eş kedergısız jäne qūqyqtyq saldarsyz tapsyra alady. Būl bastama – memleket pen qoǧam arasyndaǧy senımdı nyǧaitatyn, jauapkerşılık pen qauıpsızdık mädenietın qalyptastyratyn maŋyzdy qadam. Azamattardyŋ erıktı türde qaru tapsyruy olardyŋ äkımşılık jäne qylmystyq jauapkerşılıkten tolyq bosatyluyna negız bolady. Būl – zaŋ talaptaryn saqtai otyryp, qauıpsız orta qalyptastyruǧa mümkındık beretın tiımdı qūqyqtyq tetık. Aksiia bastalǧaly berı Abai oblysynda barlyǧy 37 qaru qabyldandy. Onyŋ ışınde 7 – oiyq, 29 – tegıs ūŋǧyly qarular. Osyǧan orai, azamattardy atalǧan aksiiaǧa belsendı qatysuǧa şaqyramyz. Zaŋsyz saqtalǧan qarudan bas tartyp, qoǧam qauıpsızdıgıne öz ülesterıŋızdı qosyŋyzdar. Qauıpsızdık – ärqaisymyzdyŋ ortaq mındetımız.

Aqparat közı Polisia.kz saitynda: https://polisia.kz/abaj-oblysynda-azamattar-politsiyagha-37-qaru-tapsyrdy/