2024 jyldyŋ basynan berı jürgızılgen tekseru nätijesı körsetkendei, 58 mektep bılım beru qyzmetın lisenziiasyz jürgızgen. Bügıngı taŋda olardyŋ 17-sı bılım beru qyzmetın qoiylatyn talaptarǧa säikestendırdı. Lisenziiasyz qyzmet jürgızgen mektepterge qatysty QR ÄQBtK 463-baby boiynşa aiyppūl salu turaly sot qaulylary şyqty. Būl bılım beru ūiymdary negızınen Astana jäne Almaty qalalarynda, Atyrau, Almaty, Batys Qazaqstan, Türkıstan, Maŋǧystau jäne Jambyl oblystarynda ornalasqan. «QR «Bılım turaly» Zaŋyna säikes barlyq mektepter bılım beru qyzmetın bastamas būryn rūqsat aluy tiıs. Lisenziianyŋ bolmauy mektepterdıŋ talaptarǧa säikestıgı boiynşa tekseruden ötpegenın nemese rūqsat alu üşın qūjattardy tapsyrmaǧanyn bıldıredı. Bılım beru ūiymdary bılım beru qyzmetımen ainalysuǧa lisenziia alǧan sätten bastap qana qūqyly. Eger mektep memlekettık tırkeuden ötken sätten bastap alty ai ışınde lisenziia almasa, onda ol sot tärtıbımen jabyluǧa tiıs», - dep atap öttı komitet töraǧasy Ernūr Däuenov.
Lisenziia aluǧa qoiylatyn negızgı talaptar tiıstı materialdyq-tehnikalyq bazanyŋ, bılıktı pedagogikalyq qūramnyŋ boluyn, sanitarlyq-epidemiologiialyq jäne örtke qarsy normalardyŋ saqtaluyn, sondai-aq bılım aluşylarǧa medisinalyq qyzmet körsetudı ūiymdastyrudy qamtidy. Osy talaptarǧa säikes kelmeu äkımşılık jaza qoldanu men qaitalama būzuşylyqtar bolǧan jaǧdaida bılım beru mekemesınıŋ qyzmetın toqtatu üşın negız bolyp tabylady. Esterıŋızge sala keteiık, mektepter baǧynystylyǧy boiynşa jergılıktı atqaruşy organdardyŋ qaramaǧyna jatady. Öz kezegınde aumaqtyq departamentter öŋırlık äkımdıkter men bılım basqarmalarynyŋ basşylaryna būzuşylyqtardy joiu jönınde şaralar qabyldau turaly resmi hat joldady.
