Tasymaldau qarqyny men infraqūrylymdyq jobalar turaly kölık ministrı Marat Qarabaev, sondai-aq «Qazaqstan temır joly» ŪK» AQ basqarma töraǧasy Nūrlan Sauranbaev baiandama jasady. Ministrlıktıŋ mälımetınşe, aǧymdaǧy jyldyŋ 10 aiynyŋ qorytyndysy boiynşa jük tasymalynyŋ kölemı 3,5%-ǧa artyp, 263 mln 400 myŋ tonnany qūrady. Işkı tasymaldar 10,8%-ǧa ösıp otyr – 156,2 mln tonna. Al tranzittık jük tasymalynyŋ kölemı ötken jyldyŋ deŋgeiınde, iaǧni 22 mln 400 myŋ tonna. Kölık-logistika salasyn damytu boiynşa Prezident tapsyrmasyn ıske asyru aiasynda elde auqymdy infraqūrylymdyq jobalar jüzege asyryluda. Byltyrdan berı 2,8 myŋ şaqyrymnan astam temırjol jöndeldı. Jyljymaly qūramdy jaŋartu jūmystary jalǧasuda. «Qazaqstan temır joly» basqarma töraǧasy Nūrlan Sauranbaevtyŋ mälımetınşe, biyl 185 lokomotiv pen 143 jolauşylar vagony satyp alynǧan. 2028 jyly jolauşylar vagondarynyŋ parkı 3 myŋnan astam bırlıkke jetıp, eldıŋ qajettılıgın tolyq qamtamasyz etedı.
Premer-ministr salany jaŋǧyrtu boiynşa küş-jıgerdı arttyru qajettıgın erekşe atap öttı. Äsırese, temırjol vokzaldary men stansiialardyŋ infraqūrylymyna erekşe nazar audaru kerek – qazırgı uaqytta olardyŋ şamamen 90%-y jöndeudı qajet etedı.
«Memleket basşysy Qazaqstandy tolyqqandy kölık-logistikalyq habqa ainaldyru baǧytynda naqty mındetter qoidy. Būl rette temırjol salasynyŋ damu äleuetı joǧary ekenın atap ötkım keledı. Sondai-aq ol ışkı jäne tranzittık jük tasymalyn arttyruda şeşuşı röl atqaryp otyr. Alǧa qoiylǧan maqsattarǧa jetu üşın bız qoldanystaǧy temır joldar men logistikalyq ortalyqtardy jaŋǧyrtyp, jaŋalaryn salyp jatyrmyz. Sondai-aq vagon parkın jaŋartu jūmystary da tūraqty jürude. Būl elımızdıŋ kölık jüiesınıŋ tiımdılıgın jäne onyŋ ötkızu qabıletın barynşa ūlǧaituǧa mümkındık beredı. Qabyldanǧan şaralardyŋ nätijesınde 2029 jylǧa qarai tranzittık tasymal kölemı 28 mln tonnadan 45 mln tonnaǧa deiın, al tranzit jiyrma futtyq balamadaǧy 2 mln konteinerge deiın ösedı», — dep atap öttı Oljas Bektenov.
Halyqaralyq kölık dälızderındegı qazaqstandyq baǧyttardyŋ bäsekege qabılettılıgın arttyrudyŋ maŋyzdylyǧy atap ötıldı. Premer-ministr şekaradaǧy memlekettık qyzmetterdı sapaly ärı jedel körsetu üşın barlyq räsımderdı aiaqtaudy tapsyrdy – qazırgı uaqytta salyq jüiesı men temırjoldyŋ aqparattyq jüielerı integrasiialandy.
Kölık ministrlıgı men «Qazaqstan temır joly» kompaniiasy negızgı infraqūrylymdyq jobalardy ıske asyrudyŋ naqty tetıkterın äzırlep, qarjylandyru közderın anyqtau tapsyryldy. Sonymen qatar vagondardy jaŋartuda qiyndyqtarǧa kezıgıp otyrǧan jeke tasymaldauşylardy qoldau şaralaryn äzırleu qajet.
Būdan bölek, Ükımet basşysy temırjol jükterın auystyryp tieu kölemın ūlǧaitu jäne teŋız tasymalynyŋ äleuetın arttyru üşın Aqtau portynyŋ infraqūrylymyn jaqsartu jūmystaryn jedeldetudı tapsyrdy. Kölık ministrlıgı men «Qazaqstan temır joly» kompaniiasyna 2025 jyly konteinerlık hab salyp, Aqtau portynyŋ tübın tereŋdetu jūmystaryn aiaqtau tapsyryldy.
