Osyǧan orai Astanada QR Mädeniet jäne aqparat ministrlıgı, "Qazaqfilm" kinostudiiasy jäne Ūlttyq kinony qoldau ortalyǧy ökılderınıŋ qatysuymen otandyq kinoindustriiany damytu taqyrybynda brifing öttı.
Jyl soŋyna deiın alty kino joba, onyŋ ışınde animasiialyq jäne derektı filmder jaryqqa şyǧarylady. Negızgı basymdyq — jas rejisserlerdı, avtorlyq kino men animasiiany qoldauǧa berıledı.
Mädeniet jäne aqparat ministrlıgınıŋ kinematografiia basqarmasynyŋ basşysy Ǧani Mūratovtyŋ aituynşa, animasiia — mädeni damudyŋ maŋyzdy bölıgı. Osy salany qaita jandandyru maqsatynda «Qazaqanimasiia» bölımın Astana qalasyna köşıru turaly şeşım qabyldanǧan.
«Bärımızge mälım, innovasiialyq tehnologiialardy engızu men kreativtı jobalardy qarjylandyru üderısterı elordada qarqyndy jürıp jatyr. Astanada jyl saiyn TMD elderınıŋ gik-mädeniet festivalı – Comic Con ötedı, Kreativtı industriialar qoryn qūru josparlanuda. Sondai-aq, elordada «Habar», «Qazaqstan» telearnalary men balalar men jasöspırımderge arnalǧan jalǧyz memlekettık arna – «Balapan» ornalasqan. «Qazaqanimasiia» osy infraqūrylym men resurstardy tiımdı paidalanyp, animasiia salasyn damytuǧa tiıs», - dedı Ǧani Mūratov.
Keiıngı alty jyl ışınde ministrlık pen Ūlttyq kinony qoldau ortalyǧynyŋ qoldauymen 117 kino joba jüzege asyrylǧan. Salany jüielı damytu maqsatynda 2024 jyly kino jobalardy ırıkteu tärtıbıne özgerıster engızıldı. Endı avtorlarǧa basym taqyryptar ūsynylyp, ssenarii jazuǧa ekı ai merzım berıledı. Patriotizmdı, adamgerşılık pen ruhaniiatty nasihattaityn tarihi filmderge erekşe nazar audaryluda. Saraptamalyq keŋestıŋ qarauynan keiın jobalar pitching — aşyq qorǧau kezeŋıne ötedı.
«Biylǧy ırıkteudıŋ bırınşı kezeŋıne 444 ötınım kelıp tüstı. Olardyŋ 357-sı Saraptamalyq keŋeske joldandy. Keŋes jobalar taqyrybynyŋ özektılıgıne, ssenarii tūjyrymdamasyna, dramaturgiialyq qūrylymyna jäne keiıpkerler beinesınıŋ aşyluyna erekşe nazar audardy. Nätijesınde 128 joba ekınşı kezeŋge öttı. Bügın osy brifing aiasynda resmi türde habarlaimyn: mausym aiynda ötetın pitchingke 99 kino joba joldama aldy», — dedı «Ūlttyq kinony qoldau memlekettık ortalyǧy» KEAQ basqarma töraǧasy Qūrmanbek Jūmaǧali.
Sonymen qatar, «Qazaqfilm» kinostudiiasynda auqymdy jaŋǧyrtu jūmystary jürgızılude. Tüsken tabystyŋ artuy men şyǧyndardy oŋtailandyru nätijesınde kinostudiia 2024 jyly soŋǧy jetı jylda alǧaş ret özın-özı qarjylandyru deŋgeiıne jettı. Sondai-aq soŋǧy 15 jyl ışınde alǧaş ret studiiada kürdelı jöndeu jūmystary bastaldy.
2024 jyly «Qazaqfilm» qamqorlyǧymen «Euraziia» halyqaralyq kinofestivalı qaita jandandy. Memleket qarjysy esebınen tört filmnıŋ tüsırılımı aiaqtaldy, taǧy ekı joba kommersiialyq negızde jüzege asty.
«Bolaşaqta kommersiialyq baǧyttaǧy filmderge basymdyq berıledı. Prokattan tüsetın kırıstıŋ 5-10 paiyzy kinostudiianyŋ ǧimarattaryn kürdelı jöndeuge jäne injenerlık jelılerdı jaŋartuǧa baǧyttalady. Būl — soŋǧy 30 jylda alǧaş ret infraqūrylymǧa tūraqty investisiia tartu tetıgınıŋ ıske qosyluy. Kinostudiia mädeni mūrany saqtau, mazmūndy filmder jasau jäne jas talanttardy qoldau missiiasyna ärdaiym adal. Sonymen qatar, bız tehnologiiaǧa, infraqūrylymǧa jäne serıktestıkke investisiia sala otyryp, bolaşaqqa senımmen qaraimyz», — dedı «Qazaqfilm» kinostudiiasynyŋ prezidentı mındetın atqaruşy Aidar Omarov.
Mädeniet jäne aqparat ministrlıgınıŋ baspasöz qyzmetı
