Тақырыптар тізімі kazakhcinema.kz сайтында жарияланды. Өздеріңіз білетіндей, кино сценарийден басталады. Біз қазір маңызды жұмыстың алғашқы сатысында тұрмыз.

Көп ұзамай киножобалар конкурсы жарияланады. Сценарий жазу, ой жинақтау үшін киногерлерге екі ай шамасында уақыт беріледі. Бұл аз уақыт болмаса керек. Отандық киноиндустрия өкілдері осы аралықта өнімді жұмыс істейді деген сенім басым. 

Жақсы сценарий – жарты кино. Бекітілген тақырыптардың өзегін тауып, мәнін ашып, фильмдердің сюжетін пісіп-жетілдіресіздер деген ойдамыз. Ал біз әрбір сапалы сценарийді интеграция арқылы дайын кинотуындыға айналдыруға асықпыз!