Бұл туралы Ras.kz тілшісі Euronews-ке сілтеме жасап хабарлайды.

Жүргізуші Брет Байермен әңгімелесу барысында Харрис иммиграция және саяси ұстанымдарды ауыстыру мәселелеріне қатысты айтты. Ол сондай-ақ егер жеңіске жетсе, оның президенттігі Джо Байден бағытының жалғасы болмайтынын атап өтті.

«Өте анық айтайын. Менің президенттігім Джо Байден президенттігінің жалғасы болмайды және қызметке кіріскен әрбір жаңа президент сияқты мен де өз өмірлік тәжірибемді, кәсіби тәжірибемді және тың жаңа идеяларымды жеткіземін. Мен көшбасшылардың жаңа буынының өкілімін», - деді Харрис.

Демократиялық партиядан үміткер Дональд Трампты бірнеше рет сынға алып, өзінің мақсаты – «Трамптың риторикасынан зардап шеккен соңғы онжылдықтың бетін қайтару» екенін айтты.

Харрис көші-қон мәселесі бойынша қателіктерін мойындап, бұдан былай шекараны заңсыз кесіп өтуді қылмыс деп танымауды қолдамайтынын атап өтті.

Трамп штабының мәлімдеуінше, Харрис нақты жауап берген жоқ және қысымға ең жоғары деңгейде жауап бере алмайтынын танытты.

Осыған дейін Трамп осы жолы жеңіліп қалса, қайтадан сайлауға түспейтінін айтқан болатын.