Жетісу облысының жолшылары "Үшарал-Достық" автожолының 64-184 шақырым аралығында қар құрсауында қалып кеткен 17 адамды құтқарып, 5 жеңіл көлікті шығарды.

Атап өту керек, бұл учаскеде ауа райының бұзылуына байланысты көліктердің қозғалысына шектеу қойылған болатын. Алайда, кейбір азаматтар қойылған шектеулер қарамай, жолға шығып, жолда қалып кетті.

Жол қызметі қойған шектеуді ескеріп, өздігінен айналма жолдар арқылы жолға шығуға болмайтынын естеріңізге саламыз.

Қыс мезгілінде қойылған шектеулерді бұзуға тыйым салынады!

фото ашық дереккөздерден алынды