سەرىكتەستىكتىڭ نەگىزگى ماقساتى – ازاماتتارعا تەز، ءتيىمدى جانە قاۋىپسىز تۇردە بىلىكتى قۇقىقتىق كومەك الۋعا مۇمكىندىك بەرەتىن تەحنولوگيالىق شەشىمدەردى دامىتۋ.
ءوزارا سەرىكتەستىك جي تەحنولوگيالارىن دامىتۋدى، ءبىلىم بەرۋ باستامالارىن، حالىققا قاجەتتى وزەكتى قۇقىقتىق پروبلەمالاردى انىقتاۋ ماقساتىندا زەرتتەۋلەر جۇرگىزۋدى قامتيتىن بولادى.
"مەملەكەت باسشىسى ءاربىر تسيفرلىق رەفورما، اسىرەسە، زاڭ كومەگىنە قول جەتكىزۋ شەكتەلگەن شالعاي ايماقتارداعى ادامدار ءۇشىن نەعۇرلىم قولجەتىمدى سوت تورەلىگىنە جاسالعان قادام ەكەنىن اتاپ وتكەن بولاتىن. سوندىقتان وسى باعىتتاعى ءبىزدىڭ بىرلەسكەن كۇش-جىگەرىمىز حالىققا ارنالعان قۇقىقتىق قىزمەتتەردىڭ قولجەتىمدىلىگىن ارتتىرۋدىڭ، كەدەرگىلەردى ازايتۋدىڭ جانە قۇقىقتى قولدانۋ پروتسەستەرىن جەدەلدەتۋدىڭ ماڭىزدى بولىگىنە اينالادى" - دەدى ادىلەت ۆيتسە-ءمينيسترى بەكبولات مولدابەكوۆ.
ءوزارا ىنتىماقتاستىق جاساندى ينتەللەكت شەشىمدەرىن زاڭ سالاسىنا ينتەگراتسيالاۋعا نەگىزدەلگەن. بۇل پايدالانۋشىلار ءۇشىن دە، كاسىپقويلار ءۇشىن دە جاڭا مۇمكىندىكتەردى اشادى.
مەموراندۋمعا سايكەس، ادىلەت مينيسترلىگى ازىرلەۋشىلەرگە دەربەس دەرەكتەردى قورعاۋ تۋرالى زاڭنامانى ساقتاي وتىرىپ، قوسىمشانىڭ دۇرىس جۇمىس ىستەۋى ءۇشىن قاجەتتى قۇقىقتىق دەرەكتەرگە قول جەتكىزۋگە مۇمكىندىك بەرەدى. بۇل حالىققا «IPrav» ءموبيلدى قوسىمشاسىنىڭ فۋنكتسيونالىنا جىلدام ءارى ساپالى قول جەتكىزۋدى قامتاماسىز ەتەدى.
«ءبىز ءۇشىن مەموراندۋمعا قول قويۋ – بۇل IPrav دامۋىنىڭ جاڭا كەزەڭى عانا ەمەس، سونىمەن قاتار ۇلكەن مۇمكىندىك. ءبىز ادىلەت مينيسترلىگىمەن قول جەتىمدى جانە زاماناۋي قۇقىقتىق جۇيەنى قۇرۋ ءۇشىن كۇش-جىگەردى بىرىكتىرۋدە زور الەۋەتتى كورىپ وتىرمىز», - دەدى «IPrav» جشس ديرەكتورى جۇلدىز ەرجانوۆا.
ىنتىماقتاستىق قازاقستان ازاماتتارىنا، اسىرەسە اۋىلدىق جانە شالعاي وڭىرلەرىندەگى ازاماتتارعا قۇقىقتىق كومەككە ىڭعايلى جانە جەدەل قول جەتكىزۋدى قامتاماسىز ەتۋگە باعىتتالعان.
ءبىز تەحنولوگيانى حالىق پەن قۇقىقتىق جۇيە اراسىنداعى كوپىرگە اينالدىرۋ مىندەتىن قويىپ وتىرمىز. تسيفرلاندىرۋ قۇقىقتىق ساۋاتتىلىقتى ارتتىرۋ جانە قازاقستاننىڭ ءاربىر تۇرعىنى ءوزىنىڭ تۇرعىلىقتى جەرىنە قاراماستان كومەك الىپ، ءوز قۇقىقتارىن قورعاي الاتىن جاعداي جاساۋ ءۇشىن جاڭا مۇمكىندىكتەردى اشاتىنىن ايتىپ ءوتتى IPrav نەگىزىن قالاۋشى قانىش كەنجەتاەۆ.
سونداي-اق، بىرلەسكەن يننوۆاتسيالىق جوبالار مەن پيلوتتىق باعدارلامالاردى ىسكە اسىرۋ، مينيسترلىكتىڭ مەملەكەتتىك قىزمەتشىلەرى مەن قىزمەتكەرلەرى ءۇشىن وقىتۋ سەسسيالارىن وتكىزۋ جوسپارلانۋدا، بۇل ولاردىڭ تسيفرلىق قۇرالداردى پايدالانۋداعى قۇزىرەتتەرىن ارتتىرۋعا مۇمكىندىك بەرەدى.
IPrav ءموبيلدى قوسىمشاسى – زاڭگەرلىك قىزمەتتەردى ىزدەۋگە جانە ونلاين الۋعا بولاتىن جاڭا قۇرال. قازاقستاندىق ماماندار ازىرلەگەن IT-ستارتاپتىڭ ماقساتى – تۇرعىلىقتى جەرىنە قاراماستان بارلىق ازاماتتارعا بىلىكتى قۇقىقتىق كومەككە قول جەتكىزۋدى قامتاماسىز ەتۋ.
قوسىمشانىڭ ەرەكشەلىگى – ماشينالىق وقىتۋ پرينتسيپتەرى بويىنشا جۇمىس ىستەيتىن كىرىكتىرىلگەن جي كومەكشىسى - ايتەكە چات-بوتى.
قازىرگى ۋاقىتتا ۆيرتۋالدى جي كومەكشىسىن «ءوزىڭىزدى الاياقتاردان قالاي قورعاۋعا بولادى؟»، «جول-كولىك وقيعاسى كەزىندە نە ىستەۋ كەرەك؟»، «تۇتىنۋشىلاردىڭ قۇقىقتارىن قالاي قورعاۋعا بولادى؟». ، «يپوتەكالىق نەسيەنى تولەمەگەن جاعدايدا نە بولادى؟»، «ءتۇرلى اكىمشىلىك قۇقىقبۇزۋشىلىق ءۇشىن ايىپپۇل كولەمى قانداي بولادى؟»، «مۇرانى قالاي راسىمدەۋگە بولادى؟» «اۆتوكولىكتى قالاي تىركەۋگە بولادى؟» دەگەن سياقتى سۇراقتارعا جاۋاپ بەرۋ ۇيرەتىلىپ جاتىر.
IPrav بارلىق جاس ساناتتارى ءۇشىن تۇسىنىكتى، قاراپايىم ءارى ىڭعايلى ينتەرفەيس ۇسىنادى. وندا شۇعىل ارەكەت ەتۋ ءۇشىن جاقىن جەردەگى ادۆوكاتپەن بايلانىسۋعا مۇمكىندىك بەرەتىن SOS فۋنكتسياسى قاراستىرىلعان. بۇل اسىرەسە شالعايداعى تۇرعىندار ءۇشىن وتە ىڭعايلى. مامانداردىڭ رەيتينگتىك جۇيەسى تاڭداۋدىڭ اشىقتىعىن جانە قىزمەت ساپاسىنىڭ جوعارى دەڭگەيىن قامتاماسىز ەتەدى.
جاقىن ارادا پايدالانۋشىلاردان كەرى بايلانىس الۋ جانە ونىڭ فۋنكتسيونالىن جاقسارتۋ ءۇشىن مەسسەندجەرلەر ارقىلى ايتەكە بوتىنا اشىق تەستىلەۋ وتكىزۋ جوسپارلانىپ وتىر.