وبلىس اكىمى نۇرلىبەك نالىباەۆ، زيالى قاۋىم وكىلدەرى، مەملەكەتتىك مەكەمەلەر قىزمەتكەرلەرى جانە ەكوبەلسەندىلەردىڭ قاتىسۋىمەن «تازا قازاقستان» باعدارلاماسى اياسىندا «ءمولدىر بۇلاق» اتتى اۋقىمدى ەكولوگيالىق اكتسيا ءوتتى. بۇلاقتار مەن جاعالاۋ اۋماقتارى تازارتىلىپ، وعان 16 000-نان استام ادام قاتىستى، 425 توننادان استام تۇرمىستىق قالدىق شىعارىلدى. سونىمەن قاتار، 140-تان استام ارنايى تەحنيكا جۇمىلدىرىلىپ، جۇمىستىڭ ساپالى ءارى جەدەل ورىندالۋىنا مۇمكىندىك جاسالدى.ء وڭىردىڭ بارلىق اۋدانىندا سىرداريا وزەنىنىڭ جاعالاۋى، ارال اۋدانىنداعى "اقەسپەدە", جاڭاقورعان اۋدانىنداعى «قايناربۇلاقتا» تابيعي سۋ كوزدەرى تازارتىلىپ، ماڭى اباتتاندىرىلدى.
جالپى بۇلاقتار سۋ رەسۋرستارى تاپشى ايماقتار ءۇشىن بالامالى سۋ كوزى رەتىندە ەرەكشە ماڭىزعا يە. وسىنداي يگى باستامالار تابيعاتتى قورعاۋداعى ورتاق جاۋاپكەرشىلىكتى ارتتىرىپ، ەكولوگيالىق مادەنيەتتى قالىپتاستىرۋعا سۇبەلى ۇلەس قوسادى.
ايتا كەتۋ كەرەك، ايماقتا «تازا قازاقستان» رەسپۋبليكالىق ەكولوگيالىق باعدارلاماسى اياسىندا سانيتارلىق تازالىق، اباتتاندىرۋ، تۇرعىنداردىڭ ءومىر سۇرۋىنە قولايلى جاعداي جاساۋ باعىتىندا كەشەندى جۇمىس اتقارىلۋدا.
بيۋدجەت قاراجاتىنان بولەك، كاسىپكەرلەردىڭ دەمەۋشىلىگى ەسەبىنەن دەمالىس ورىندارى، بالالار ويىن جانە سپورت الاڭدارى، قوعامدىق كەڭىستىكتەر كەزەڭ-كەزەڭىمەن قايتا جاڭعىرتىلىپ، تۇرعىن ۇيلەر مەن الەۋمەتتىك نىساندار زاماناۋي تالاپتارعا ساي جوندەۋدەن وتكىزىلۋدە. سوڭعى جىلدارى بيۋدجەت جانە دەمەۋشىلىك قاراجاتى ەسەبىنەن قىزىلوردا قالاسىنداعى ورتالىق الاڭ، قالالىق مادەني-دەمالىس پاركى جانە قورقىت اتا سكۆەرى قايتا جاڭعىرتىلىپ، تۇرعىندار يگىلىگىنە بەرىلدى. سونىمەن قاتار، جۋىردا پرەزيدەنت ساياباعى قايتا سالىنىپ اشىلدى.
اۋىلدا قولايلى ءومىر ءسۇرۋ ورتاسىن قالىپتاستىرۋ جانە تۇرعىنداردى تازالىق مادەنيەتىنە ىنتالاندىرۋ ماقساتىندا جىل سايىن «ۇلگىلى ەلدى مەكەن» كونكۋرسى ۇيىمداستىرىلىپ كەلەدى. اتالعان جوباعا سوڭعى ءۇش جىلدا 2 ملرد 64 ملن تەڭگە ءبولىنىپ، ۇزدىك دەپ تانىلعان ەلدى مەكەندەرگە 67 ارنايى تەحنيكا تابىستالدى.
تۇرمىستىق قاتتى قالدىقتاردى ءتيىمدى باسقارۋ، سۇرىپتاۋ، وڭدەۋ جانە كادەگە جاراتۋدا «جاسىل دامۋ» اق قارجىلاندىرۋىمەن 9 جوبا قولعا الىنعان.
جاڭاقورعان اۋدانىندا قاتتى تۇرمىستىق قالدىقتاردى سۇرىپتاۋ كەشەنى تولىق قارجىلاندىرىلىپ، قاجەتتى قۇرال-جابدىقتارى جەتكىزىلدى. قازىر نىساندى ىسكە قوسۋ جۇمىستارى جۇرگىزىلۋدە. قالعان 8 جوبانى «ونەركاسىپتى دامىتۋ قورى» ساراپتامادان وتكىزىپ، قارجىلاندىرۋ ءۇشىن ءتيىستى كەلىسىم-شارتتار جاسالۋدا.
بۇدان بولەك، وبلىستىق بيۋدجەت ەسەبىنەن 475 ملن تەڭگەگە سىرداريا اۋدانىندا سۇرىپتاۋ كەشەنى بار قاتتى تۇرمىستىق قالدىقتار پوليگونى سالىنىپ، ىسكە قوسىلدى.
قىزىلوردا وبلىسى اكىمىنىڭ ءباسپاسوز قىزمەتى