تۇركىستان وبلىسىنىڭ وتىرار اۋدانىنداعى وزبەكالى جانىبەك كەسەنەسىندە «قازقايتاجاڭارتۋ» رمك ماماندارى رەستاۆراتسيا جۇمىستارىن جالعاستىرىپ كەلەدى.
قازىر كەسەنەنىڭ كۇمبەزدەرى قىش كىرپىشپەن قاپتالىپ جاتىر. كىرپىش قاپتاۋ جۇمىستارى اياقتالعاننان كەيىن سۋ وتپەۋى ءۇشىن جىكتەرى ارنايى قورعانىش قوسپامەن تولتىرىلادى.
كەسەنەنىڭ ىشكى بولىگىندە قابىرعالار مەن توبەنىڭ ۇگىتىلگەن سىلاق قاباتى تولىقتاي الىنىپ، قايتا سىلاندى. الداعى كەزەڭدە كەسەنەنىڭ ەدەنى جاڭارتىلىپ، ەسىكتەر مەن تەرەزەلەر قالپىنا كەلتىرىلگەننەن كەيىن قايتا ورناتىلادى.
جۇرگىزىلىپ جاتقان جۇمىستار كەسەنەنىڭ تاريحي كەلبەتىن جاڭعىرتىپ، ونىڭ ۇزاق ۋاقىت ساقتالۋىنا نەگىز بولادى.
قر مادەنيەت جانە اقپارات مينيسترلىگىنىڭ ءباسپاسوز قىزمەتى