وسى جۇمىستىڭ ارقاسىندا جىل باسىنان بەرى 61 قۇرىلىس جوباسى بويىنشا شىعىندار قىسقارتىلدى، بۇل مەملەكەتكە شامامەن 103 ملرد تەڭگە ۇنەمدەۋگە مۇمكىندىك بەردى.
ماسەلەن، قاراعاندى وبلىسىندا "قاراعاندى سۋ" جشس نەگىزگى سۋ تازارتۋ قۇرىلىستارىنىڭ بلوكتارىن قايتا جاڭارتۋ" جوباسىنىڭ جسق ازىرلەۋ ساتىسىندا قۇبىر بۇيىمدارىنىڭ 5 ءتۇرىنىڭ ارتىق قۇنى انىقتالدى.
باعانى اسىرۋ ۇقساس تاۋارلاردىڭ باعاسىن جانە باسقا جەتكىزۋشىلەردىڭ بالاما ۇسىنىستارىن سالىستىرۋ ارقىلى انىقتالدى.
اتقارۋشى ورگانمەن بىرلەسكەن جۇمىس قورىتىندىسى بويىنشا جوبانىڭ مالىمدەلگەن سمەتالىق قۇنى 6,1 ملرد تەڭگەگە تومەندەتىلدى.
باسقا جاعدايدا، اقتوبە قالاسىندا "مويسەەۆكي سۋ تارتقىشىنىڭ قۇرىلىسى" جوباسىن ىسكە اسىرۋ كەزىندە سۋ رەزەرۆۋارلارىنىڭ كولەمى ازايتىلىپ، بۇل 827 ملن تەڭگەنى ۇنەمدەۋگە مۇمكىندىك بەردى (شىعىندار 929 ملن تەڭگەدەن 102 ملن تەڭگەگە دەيىن تومەندەتىلدى).
رەزەرۆۋارلار كولەمىنىڭ وزگەرۋى قۇبىرلار مەن سورعىلاردىڭ مولشەرىن وزگەرتۋگە سەبەپ بولدى، سونىڭ ناتيجەسىندە ۇنەمدەۋ شامامەن 20 ملرد تەڭگەنى قۇرادى.
وسىعان ۇقساس جۇمىستى قما ەلىمىزدىڭ بارلىق وڭىرلەرىندە جۇرگىزۋدە.
ايتا كەتەيىك، قما بيۋدجەت قاراجاتىن ۇتىمدى پايدالانۋ جانە قىلمىستىق جاۋاپتىلىققا تارتپاي، ەرتە كەزەڭدە جىمقىرۋ تاۋەكەلدەرىن بولدىرماۋ ارقىلى كولەڭكەلى ەكونوميكاعا قارسى ءىس-قيمىل جاساۋ ماقساتىندا مەملەكەت پەن ادال بيزنەستىڭ مۇددەلەرىن قورعاۋعا باعىتتالعان.
ءباسپاسوز قىزمەتى
فوتو اشىق دەرەككوزدەردەن