استانا قالاسى پوليتسيا دەپارتامەنتىنىڭ قىزمەتكەرلەرى تۇنگى ۋاقىتتا پيروتەحنيكالىق بۇيىمداردى قولدانۋ فاكتىلەرىن انىقتاۋ جانە جولىن كەسۋ جۇمىستارىن جالعاستىرىپ جاتىر، — دەپ حابارلايدى Polisia.kz. كەزەكتى قۇقىق بۇزۋشىلىق فاكتىسى ەلورداداعى قوناقۇيلەردىڭ ءبىرىنىڭ ماڭىندا انىقتالدى. 50 جاستاعى ەر ادام بولاشاق كەلىنىنىڭ تۋعان كۇنىنە وراي مەرەكەلىك ساليۋت ۇيىمداستىرعان. الايدا مەرەكەنىڭ جارقىن فينالى جاقىن ماڭداعى تۇرعىن ءۇي كەشەندەرىندە تۇراتىن ازاماتتاردىڭ تىنىشتىعىن بۇزعان. قۇقىق بۇزۋشى سوت شەشىمىمەن بەس تاۋلىك مەرزىمگە اكىمشىلىك قاماۋعا الىندى.
وسىعان ۇقساس تاعى ءبىر جاعداي ەلوردانىڭ تۇرعىن اۋداندارىنىڭ بىرىندە تىركەلدى. انىقتالعانداي، 26 جاستاعى ەر ادام قىز ۇزاتۋ راسىمىنەن كەيىن جاس وتباسىن كوپقاباتتى تۇرعىن ءۇيدىڭ ماڭىندا ساليۋت اتىپ قۇتتىقتاۋدى ۇيعارعان. الايدا مەرەكەلىك ماقساتقا قاراماستان، ونىڭ ارەكەتى قوعامدىق ءتارتىپتى بۇزىپ، تۇرعىندارعا قولايسىزدىق كەلتىرگەن. سوت شەشىمىمەن قۇقىق بۇزۋشىعا بەس تاۋلىك مەرزىمگە اكىمشىلىك قاماۋعا الۋ تۇرىندەگى جازا تاعايىندالدى. پوليتسيا قىزمەتكەرلەرى ەلوردا تۇرعىندارى مەن قوناقتارىن زاڭ تالاپتارىن قاتاڭ ساقتاۋعا شاقىرادى.
اقپارات كوزى Polisia.kz سايتىندا: https://polisia.kz/astanada-tunde-salyut-atqan-eki-er-adam-5-taulikke-qamaldy/