بۇگىن وبلىس اكىمى مۇرات ەرگەشباەۆتىڭ ارال قالاسىنا جۇمىس ساپارى بارىسىندا قايتا جاڭعىرتىلعان «ارال تەڭىزى» تەمىرجول ۆوكزالىنىڭ اشىلۋ سالتاناتى ءوتتى. وعان قر قۇرىلتاي دەپۋتاتتارى سەرىك قوجانيازوۆ، نۇركەن باقىتبەكۇلى، ماعجان ەراليەۆ، يرينا تەن، ءماسليحات دەپۋتاتتارى، زيالى قاۋىم وكىلدەرى مەن ەل اعالارى قاتىستى.
ۆوكزال مەملەكەت باسشىسىنىڭ تەمىرجول ينفراقۇرىلىمىن جاڭعىرتۋ تاپسىرماسى اياسىندا جاڭا كەلبەتكە يە بولدى. بۇگىندە ەلىمىزدەگى 124 ۆوكزالدا جوندەۋ جۇمىستارى جۇرگىزىلۋدە. ولاردىڭ قاتارىندا قىزىلوردا وبلىسىنداعى 7 تەمىرجول ۆوكزالى، 2 قىزمەت كورسەتۋ پۋنكتى جانە تالاپ بەكەتىندەگى جولاۋشىلار پلاتفورماسى بار.
ايماق باسشىسى جاڭعىرتىلعان ۆوكزالدارداجولاۋشىلارعا قولايلى ءارى قاۋىپسىز جاعداي جاسالعانىن، بۇل ءوڭىردىڭ كولىك ينفراقۇرىلىمىن دامىتۋعا جاڭا سەرپىن بەرەتىنىن اتاپ ءوتتى.
«مەملەكەت باسشىسىنىڭ تاپسىرماسىنا سايكەسەلىمىزدەگى تەمىرجول ۆوكزالدارى جاڭارتىلىپ جاتىر. 2024 جىلى قىزىلوردا تەمىرجول ۆوكزالى كۇردەلى جوندەۋدەن ءوتىپ، وعان ىرگەلەس اۋماق تولىق اباتتاندىرىلدى. جاڭاقورعان، شيەلى، قازالى جانە سەكسەۋىل تەمىرجول ۆوكزالدارىنداعى، تالاپ بەكەتىنىڭ جولاۋشىلار پلاتفورماسىنداعى جۇمىس تولىق اياقتالىپ، بۇل نىسانداردا كەلۋشىلەرگە قىزمەت كورسەتىلۋدە.
بيىل وڭىرىمىزدەگى 80 شاقىرىمنان استام تەمىرجول كۇردەلى جوندەۋدەن وتۋدە. جالاعاش جانە تەرەڭوزەك كەنتتەرىندەگى قىزمەت كورسەتۋ پۋنكتتەرىدە جاڭعىرتىلىپ جاتىر. بۇگىن تورەتام، جوسالى تەمىرجول ۆوكزالدارىن دا ەل يگىلىگىنە تابىستايمىز. ۆوكزالداردى قايتا جاڭعىرتۋ جانە كۇردەلى جوندەۋگە 10 ملرد تەڭگەدەن استام قارجى ءبولىندى.جاڭا عيماراتتاردىڭ ساپاسى، قىزمەت كورسەتۋ دەڭگەيى وبلىس اۋماعىنان وتەتىن قوناقتار مەن تۋريستەردىڭ وڭ باعاسىن الىپ، ءوڭىرىمىز تۋرالى جاقسى اسەر قالىپتاستىرادى دەپ سەنەمىز»، – دەدى مۇرات نالقوجاۇلى.
راسىمدە قۇرىلتاي دەپۋتاتى يرينا تەن ءسوز سويلەپ، ارال اۋدانىنىڭ قۇرمەتتى ازاماتى، اۋداندىق قوعامدىق كەڭەس توراعاسى الدابەرگەن جولانوۆ اق باتاسىن بەردى.
تەمىرجول سالاسىندا ۇزاق جىل ەڭبەك ەتكەن سالا قىزمەتكەرلەرى مەن ۆوكزال قۇرىلىسىن سالعانمەردىگەر مەكەمە وكىلدەرىنە وبلىس اكىمىنىڭ العىس حاتى تابىستالدى.
ايتا كەتەيىك، «ارال تەڭىزى» تەمىرجول ۆوكزالى 1905 جىلى «ورىنبور – تاشكەنت» تەمىرجول جەلىسىنىڭ قۇرىلىسى كەزىندە بوي كوتەرگەن. بىرعاسىردان استام ۋاقىتتان سوڭ جاڭارعان عيمارات زاماناۋي تالاپتارعا ساي جابدىقتالعان، جولاۋشىلارعا قولايلى جاعداي جاسالعان. مۇنداتاۋلىگىنە 600, ءبىر مەزەتتە 224 جولاۋشىعا قىزمەت كورسەتىلەدى. قايتا جاڭعىرتۋعا 1,7 ملرد تەڭگە قارجى بولىنگەن.
«تەحوسناستكا رەمسەرۆيس» كومپانياسى قۇرىلىستى وتكەن جىلى قاراشا ايىندا باستاعان. ۆوكزالدا انا مەن بالا بولمەسى، مەديتسينالىق پۋنكت، جۇك ساقتاۋ قويماسى، كۇتۋ زالى جانە مۇمكىندىگى شەكتەۋلى ازاماتتارعا ليفت قاراستىرىلعان. ودان بولەك شاعىن اسحانا، كافەتەري جانە سانيتارلىق-تۇرمىستىق ورىندار بار.
قىزىلوردا وبلىسى اكىمىنىڭ ءباسپاسوز قىزمەتى