الماتى قالاسى اكىمىنىڭ ورىنباسارى ابزال نۇكەنوۆ ازاماتتاردى كەزەكتى رەت جەكە قابىلدادى. كەزدەسۋ بارىسىندا تۇرعىندار ءبىلىم بەرۋ، جاستار ساياساتى، تاريحي جادىنى ساقتاۋ جانە قوعامدىق باستامالاردى قولداۋ ماسەلەلەرىن كوتەردى.
اتاپ ايتقاندا، بالالارعا ارنالعان كوركەم فيلم تۇسىرۋگە قولداۋ كورسەتۋ جونىندەگى ۇسىنىستار، جەلتوقسان وقيعاسىنىڭ 40 جىلدىعىنا ارنالعان ءىس-شارالاردى ۇيىمداستىرۋ، سونداي-اق قالانىڭ كورنەكتى ازاماتتارىنىڭ ەسىمىن دارىپتەۋ ماسەلەلەرى قارالدى.
وتىنىشتەردىڭ ءبىر بولىگى ءبىلىم بەرۋ سالاسىنا قاتىستى بولدى. تۇرعىندار وقۋ پروتسەسىن ۇيىمداستىرۋ، وقۋشىلاردىڭ قاۋىپسىزدىگىن قامتاماسىز ەتۋ، جەكەلەگەن ءبىلىم بەرۋ ۇيىمدارىنىڭ قىزمەتى جانە قولايلى ءبىلىم بەرۋ ورتاسىن قالىپتاستىرۋ ماسەلەلەرىن كوتەردى.
سونىمەن قاتار، ارداگەرلەر ۇيىمدارىن، ونىڭ ىشىندە چەرنوبىل ارداگەرلەرى بىرلەستىگىن قولداۋ، الەۋمەتتىك جانە جاستار جوبالارىن ىسكە اسىرۋ، سونداي-اق زاڭنامالىق باستامالار ماسەلەلەرى تالقىلاندى.
ۇسىنىلعان باستامالاردىڭ قاتارىندا وقۋشىلارعا پاتريوتتىق تاربيە بەرۋگە باعىتتالعان اۆتورلىق ءبىلىم بەرۋ كۋرسىنىڭ اۋقىمىن كەڭەيتۋ ماسەلەسى دە بار. ناۋرىزباي اۋدانىندا پيلوتتىق جوبا رەتىندە جۇزەگە اسىرىلعان كۋرستى قالانىڭ وزگە اۋداندارىندا دا ەنگىزۋ ۇسىنىلدى.
ءاربىر ءوتىنىش بويىنشا ۇسىنىستار تىڭدالىپ، بەيىندى باسقارمالار مەن قۇزىرلى ورگانداردىڭ قوسىمشا پىسىقتاۋىن قاجەت ەتەتىن ماسەلەلەر ايقىندالدى.
بارلىق وتىنىشتەر جۇمىسقا قابىلداندى. جاۋاپتى مەملەكەتتىك ورگاندارعا كوتەرىلگەن ماسەلەلەردى ءوز قۇزىرەتى شەگىندە جان-جاقتى زەردەلەپ، ءوتىنىش يەلەرىنە زاڭنامادا بەلگىلەنگەن تارتىپپەن كەرى بايلانىس بەرۋ تاپسىرىلدى.
ءباسپاسوز قىزمەتى