قىزىلوردا وبلىسى، سىرداريا اۋدانىنىڭ «رۋحانيات» ورتالىعىندا «ادال ازامات» تۇجىرىمداماسى اياسىندا قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ قىزىلوردا وبلىسى بويىنشا دەپارتامەنتىنىڭ باسشىسى ە. مەنداليەۆتىڭ قاتىسۋىمەن كەزدەسۋ ءوتتى. ءىس-شاراعا مەملەكەتتىك قىزمەتشىلەرى، قالا، كەنت جانە اۋىلدىق وكرۋگ اكىمدەرى مەن قىزمەتشىلەرى، مەملەكەتتىك ۇيىمدار مەن كۆازيمەملەكەتتىك سەكتور سۋبەكتىلەرىنىڭ باسشىلارى، قوعامدىق جانە ۇكىمەتتىك ەمەس ۇيىمداردىڭ وكىلدەرى قاتىستى.
كەزدەسۋ بارىسىندا سىبايلاس جەمقورلىققا قارسى ءىس-قيمىل سالاسىنداعى زاڭناماعا ەنگىزىلگەن وزگەرىستەر، سىبايلاس جەمقورلىقتىڭ الدىن الۋ جانە مەملەكەتتىك قىزمەتشىلەردىڭ ادەپ نورمالارى مەن مىنەز-قۇلىق ستاندارتتارىن ساقتاۋ ماسەلەلەرى ءتۇسىندىرىلدى. سونىمەن قاتار، «قازاقستان رەسپۋبليكاسىنىڭ مەملەكەتتىك قىزمەتى تۋرالى» جاڭا زاڭنىڭ نەگىزگى ەرەجەلەرى مەن جاڭاشىلدىقتارىنا توقتالدى.
سونداي-اق، «ادال ازامات» جانە «زاڭ مەن ءتارتىپ» تۇجىرىمدامالارىنىڭ قوعامدا جاۋاپكەرشىلىك، ادالدىق، ەڭبەكقورلىق، وتانسۇيگىشتىك جانە زاڭعا قۇرمەت قۇندىلىقتارىن قالىپتاستىرۋداعى رولىنە توقتالدى. بۇل قاعيداتتاردى كۇندەلىكتى ومىردە ۇستانۋدىڭ، قۇقىقتىق مادەنيەتتى ارتتىرۋدىڭ جانە ءار ازاماتتىڭ قوعام الدىنداعى جاۋاپكەرشىلىگىن سەزىنۋدىڭ ماڭىزدىلىعى اتاپ ءوتىلدى.
ء ىس-شارا سوڭىندا قاتىسۋشىلار تاراپىنان سىبايلاس جەمقورلىققا قارسى مادەنيەتتى ارتتىرۋ، مەملەكەتتىك قىزمەت سالاسىنداعى شەكتەۋلەر مەن تالاپتار، سونداي-اق جاڭا زاڭعا قاتىستى سۇراقتار قويىلىپ، دەپارتامەنت باسشىسى ازاماتتاردى جەكە ماسەلەلەرى بويىنشا قابىلدادى.