Üş azamat tiıstı lisenziiasyz kriptovaliuta qabyldau jäne aiyrbastau operasiialaryn jürgızgen. Olar kriptovaliuta birjalarynan alynǧan qarajatty paidalanyp, kriptokoşelek arqyly qamtamasyz etılmegen sifrlyq aktivtermen aiyrbas operasiialaryn jüzege asyrǧan. Qazaqstan Respublikasynyŋ aumaǧynda qyzmetı tyiym salynǧan kriptobirjalar arqyly jasalǧan būl operasiialar zaŋsyz boldy.

Zaŋsyz aiyrbas operasiialary nätijesınde shemany ūiymdastyruşylar sifrlyq aktivterdı ūlttyq valiutaǧa aiyrbastaǧan. Jalpy ainalym somasy 681 mln teŋgeden astam.

380 adam osy üş azamatpen kriptovaliuta boiynşa tranzaksiialar jasaǧany anyqtaldy, būl ıs-äreket banktık şottardan alynǧan üzındılermen rastaldy.

Sot üş küdıktıge qatysty şeşım qabyldap, olardy 2,5 jyldan 3,5 jylǧa deiın bas bostandyǧynan aiyru jazasyna kesıp, mülıkterın tärkıleuge şeşım qabyldady.

Qūny şamamen 400 mln teŋgenı qūraityn mülık tärkılendı, onyŋ ışınde 10 mln teŋge kölemınde aktivter, 150 mln teŋge baǧasyndaǧy jyljymaityn mülık, jalpy qūny 213 mln teŋge bolatyn bes kölık, 12 mln teŋge tūratyn kvadrosikl jäne qymbat kompiuterlık jabdyqtar bar.

Mūndai qūrylymdar öz klientterın säikestendırmeidı jäne küdıktı operasiialardy anyqtamaidy. Sondyqtan, olardyŋ qyzmetterın köbıne kiberalaiaqtar men esırtkı zattaryn ötkızuşıler paidalanady.

Mysaly, osyndai shemalar arqyly 2024 jyly 10 milliard teŋgege esırtkı tabystary şyǧarylǧan.

Aita keteiık, Qazaqstan Respublikasynyŋ «Sifrlyq aktivter turaly» Zaŋyna säikes eldegı sifrlyq aktivterdıŋ ainalymyna qatysty kez kelgen qyzmet lisenziiany qajet etedı.

QMA qoǧamdaǧy zaŋdylyq pen tärtıptı qamtamasyz etu, ekonomikalyq jäne qarjylyq qūqyq būzuşylyqtarǧa qarsy ıs-qimyl boiynşa belsendı jūmysty jalǧastyruda.

Eger ekonomikalyq qūqyq būzuşylyqtar turaly mälımetterıŋız bolsa, «AFM Insider» telegram-botyna habarlasyŋyz.

Anonimdılık kepıldengen.