QR Premer-ministrınıŋ bırınşı orynbasary Nūrlybek Nälıbaev Ükımet basşysynyŋ tapsyrmasymen Qyzylorda oblysyna jūmys saparymen kelıp, oblys äkımı Mūrat Ergeşbaevpen bırge äleumettık, infraqūrylymdyq nysandardyŋ qūrylys barysymen tanysty.
Bügınde qalada bırneşe medisinalyq mekemenıŋ jaŋa ǧimaraty salynyp jatyr. Sonyŋ bırı – onkologiialyq bölımşesı bar 300 tösektık köpbeiındı auruhana. Auysymyna 100 keluşıge arnalǧan emhanasy bar medisinalyq keşenqūrylysyna respublikalyq biudjetten, jūmysty aiaqtau üşın İnfraqūrylymdyq damu qorynan qarjy bölıngen. Ǧimarattyŋ jalpy audany 48 myŋ şarşy metrge juyq. On bloktan tūrady:qabyldau, reanimasiia, himioterapiia, operasiialyq jäne radiologiia bölımderımen qatar, emhana, pansionat, fizioterapiia jäne basqa da bölımşeler ornalasady.
Qazır ışı ärlenıp, injenerlık jelılerı tartylyp, abattandyru jäne kögaldandyru jūmystary atqaryluda. Qūrylystyŋ 85 paiyzy bıtken.
Premer-ministrdıŋ bırınşı orynbasary 400 keluşıge arnalǧan №5 emhananyŋ qūrylysyn da körıp şyqty. Jalpy audany 8 937 şarşy metr bolatyn medisinalyq nysandy saluǧa 9,8 mlrd teŋge bölıngen. Qazır jūmystyŋ 65 paiyzy oryndalǧan. Işkı ärleu, tereze ornatu jäne injenerlık jelıler tartu jūmystary qarqyn alǧan. Jeltoqsannyŋ 25-ıne deiın medisinalyq jabdyqtar jetkızılıp ornatylady da, jyl soŋyndapaidalanuǧa berıledı.
200 tösektık perinataldyq ortalyqtyŋ qūrylys alaŋy qorşalyp, jer qazu, ırgetas qūiu jäne armatura toqu jūmystary jürgızılude. Jobaǧa 52,8 mlrd teŋge bölıngen, üş qabatty, 39,1 myŋ şarşy metr ǧimarat 10 bloktan tūrady. Zerthanalyq jäne tamaqtanu bölımderı de qarastyrylǧan. Nysandy 2028 jylǧy nauryzda paidalanuǧa beru josparlanǧan.
Bügınde «Qyzylorda Arena» sport keşenınde jūmystyŋ 90 paiyzy oryndalǧan. Keşen 2 552 körermenge arnalǧan, 3-4 qabatty bloktardan tūrady. Mūnda olimpiadalyq standarttarǧa sai bassein, futzal, basketbol jäne voleibol alaŋdary, sondai-aq 300 oryndyq konferens-zal bar. Osy kezde ışkı ärleu, dizainerlık bezendıru, qasbetın qaptau, aumaqty abattandyru jäne kögaldandyru jūmystary jürgızılude.
Syrdariia özenı arqyly ötetın jaiau jürgınşıler köpırın «Alem Qurylys AQ» serıktestıgı qolǧa alǧan. Qūrylysqa 12,9 mlrd teŋge qarastyrylǧan. Ūzyndyǧy 319,4 metr, enı är uchaskede 6 metrden 12 metrge deiın jetedı. Jaiau jürgınşılerge de, velosipedşılerge de qolaily jaǧdai jasalady.
@Qyzylorda oblysy äkımınıŋ baspasöz qyzmetı
