Ükımet basşysynyŋ tapsyrmasyna säikes qalalyq jäne audandyq polisiia bölınısterındegı kışı jedel basqaru ortalyqtaryn qarjylandyru jüktelgen bolatyn.

Oblys äkımdıgı öŋırdıŋ 7 audandyq polisiia bölımındegı Jedel basqaru ortalyǧyn qūruǧa qarjy böldı. Būl qarjyǧa aqparattardy qabyldau men tırkeudı avtomattandyratyn, qoǧamdyq oryndarda tärtıptı baqylaityn 77 beinekamera, jol qozǧalysy erejelerın būzǧandardy avtomatty türde anyqtaityn 7 stasionarlyq jyldamdyq ölşegış qūrylǧy satyp alynǧan, oǧan qosa «JBO 2.0» baǧdarlamasy da qamtamasyz etılgen.

Audandaǧy Jedel basqaru ortalyǧynda beinekameralar pilottyq rejimde jūmysyn bastady. Merdıger mekeme stasionarlyq jyldamdyq ölşegış qūrylǧylar men «JBO 2.0» baǧdarlamasyn ıske qosu üşın tekseru jürgızude.

Atalǧan ortalyqtyŋ basty maqsaty – tūrǧyndardyŋ qauıpsızdıgın qamtamasyz etu. 

Osyny atap ötken aimaq basşysy tekserudı tolyqqandy jürgızudı tapsyrdy.