«17 qazanda kämeletke tolmaǧan Ş.Bolatty öltıru faktısı boiynşa qylmystyq ıstı tergeu barysynda taǧy bır küdıktı – K. esımdı azamat ūstaldy. Qazırgı uaqytta bolǧan oqiǧanyŋ barlyq män-jailaryn anyqtauǧa baǧyttalǧan jedel-tergeu ıs-şaralar keşenı jürgızu jalǧasuda. Tergeu barysy Işkı ıster ministrınıŋ baqylauynda»,- dep habarlady oblystyq Polisiia departamentınen.
Eske salaiyq, 4 qazanda Talǧar qalasyndaǧy töbelesten bır adam qaitys bolǧan.
Aşuly talǧarlyqtar jasöspırım ölımıne bailanysty narazylyqqa şyqty.
Almaty oblysynyŋ Prokuraturasy kısı öltıru turaly būl ıs erekşe baqylauǧa alynǧanyn resmi türde habarlady.
Işkı ıster ministrı Erjan Sädenov Almaty oblysy Talǧar audanyndaǧy jasöspırımnıŋ ölımıne qatysty ıstı jeke baqylauyna aldy.
Sondai-aq qūqyq qorǧauşy Aitbek Amangeldı qaza tapqan jasöspırımnıŋ otbasyna advokattar tauyp berdı.
Almaty oblystyq polisiia departamentı bastyǧynyŋ mındetın atqaruşy Serık Şalqarov beinebaqylau kameralarynan alynǧan jazbalar zerttelıp jatqanyn jetkızdı.
12 qazan tünde qara jamylǧan otbasynyŋ üiı örtenıp kettı. Almaty oblysynyŋ Polisiia departamentı bötennıŋ mülkın qasaqana joiu faktısı boiynşa ıs qozǧady.
Sondai-aq Bas prokuratura qylmysty aşu üşın vedomstvoaralyq jedel-tergeu toby qūrylǧanyn mälımdedı.
Keiın Işkı ıster ministrınıŋ bırınşı orynbasary Bauyrjan Alenov ört qylmysy boiynşa aiǧaqtar alynyp, tiıstı saraptamalar jürgızılıp jatqanyn habarlady.
Qoǧamdyq tärtıptı qadaǧalau üşın Ūlttyq ūlan äskerı jūmyldyryldy.
15 qazan künı Talǧar qalasynyŋ äkımı Bahyt Quatbekūly Kürışbekov, Talǧar qalasy äkımınıŋ orynbasary Matan Saǧyndyq öz mındetterın tiıstı deŋgeide atqarmaǧany üşın lauazymdarynan bosatyldy.
Artynşa, Talǧar audany äkımı apparatynyŋ basşysy Aslan Qasymbaev qyzmetınen quyldy. Al,Talǧar audanynyŋ äkımı Tanat Esenkeldıūly Aidarbekov jäne onyŋ orynbasary Aibek Düisembekūly Bidaev sögıs aldy.
Işkı ıster ministrlıgınıŋ ökılderı BAQ qyzmetkerlerıne Şerzat Bolat qaza tapqan jerde kameraǧa tüsıp qalǧan videony körsettı.
Prokuratura sottyŋ aşyq ötuın sūraityndaryn jetkızdı.
