Oblys basşysy Nūrlybek Nälıbaevtyŋ qoldauymen ūiymdastyrylǧan osy öner sapary barysynda Europa jūrtşylyǧy Nauryz merekesınıŋ tarihi jäne mädeni maŋyzy turaly mol aqparatqa qanyqty. Sapardyŋ maqsaty da osy, iaǧni qazaq halqynyŋ ūlttyq mūrasyn älem jūrtşylyǧyna tanystyru, şyǧarmaşylyq ūjymdarmen täjıribe almasu bolatyn.

«NAURYZ – CELEBRATION OF SPRING» atauymen ötken konsertke körermen köp jinaldy. Onda Qazaqstannyŋ İspaniia Koroldıgındegı tötenşe jäne ökılettı elşısı Danat Mūsaev pen Leganes qalasy äkımınıŋ orynbasary Delgado Karlos söz söilep, Syr elınıŋ önerpazdaryna alǧys bıldırdı.

Bai mädenietı, tarihy jäne tamaşa tabiǧatymen äigılı İspaniia elı özınıŋ tamyry tereŋ önerın, ǧajaiyp säuletın maqtanyş etedı. Qazaqtyŋ dästürlı muzykasy men ūlttyq önerınen ündestık tapqandyqtan, körermen qauym sahnada şyrqalǧan än-jyrǧa, jalpy konserttık baǧdarlamaǧa zor qyzyǧuşylyq tanytty.

Qyzylorda oblystyq filarmoniiasynyŋ önerpazdary kün men tünnıŋ teŋeletın, küllı tırşılık qaita tüleitın tabiǧat merekesınıŋ bar boiauyn jarqyratyp ūsyndy. «Jarapazan» aitylyp, qazaqtyŋ igı dästürımen şaşu şaşyldy. Nauryz- dumannyŋ bastalǧanyn «Toibastar» änımen körsetıp, qala tūrǧyndary men qonaqtaryna, diaspora müşelerıne, qazaqstandyq jäne şeteldık studentterge ūlt qazynasynyŋ mol mūrasy turaly maǧlūmat berdı.

Konsertke «Aqmeşıt» folklorlyq ansamblı (jetekşısı – Nūrǧisa Nūrbai), Ruslan Ahmetov, Şolpan Bimbetova, Samal Baiseitova, Aqmaral Noǧaibaeva, Marat Sügırbai, Mūhtar Niiazov, Baǧdäulet Qarǧabaev, Symbat Tasbergenova, Maǧjan Amanjolov, Aqylbek Tabynbaev, Toqtar Aǧyraev, Aqnūr Amanbaeva, Säbit Dıldabaev, Almas Äljanov, Zamanbek Nysanbaev, Arman Töleş qatysyp, öner körsettı.

Gastroldık saparda körermenge konserttık baǧdarlamamen qatar, qazaq halqynyŋ ūlttyq taǧamdary ūsynyldy. Ūlttyq naqyşpen bezendırılgen syi-siiapat ta taratyldy.

Äkımdıktıŋ baspasöz qyzmetı