Bügın Qyzylorda oblysynda Memleket basşymyz Qasym-Jomart Kemelūlynyŋ bastamasymen qolǧa alynǧan "Taza Qazaqstan" ekologiialyq baǧdarlamasy aiasynda aimaq basşysy Nūrlybek Nälıbaevtyŋ tapsyrmasyna säikes «Taǧzym orny taza bolsyn, ruh pen tazalyq – bır ūǧym» atty jalpyhalyqtyq aksiiasy öttı.
Öŋırdegı tarihi-mädeni eskertkışter, kielı oryndar men köpşılık zirat etetın barlyq aumaqtarǧa körkeitu-kögaldandyru jūmystary ūiymdastyryldy. Sonymen qatar, aǧaş otyrǧyzu, qorşaulardy retke keltıru, joldardy tazalau jäne jöndeu sekıldı jūmystar da jürgızıldı.
Sauaby mol igı şaraǧa barşa oblys tūrǧyndarymen qatar mäslihat deputattary, ardagerler, ziialy qauym ökılderı, memlekettık mekeme qyzmetkerlerı, assambleia, qoǧamdyq ūiymdardyŋ müşelerı jäne jastar belsene qatysty.
Prezidentımız «Taza Qazaqstan degenımız – qorşaǧan ortany taza ūstau ǧana emes. Ärine, ol da maŋyzdy. Sonymen bırge, būl – oi-sana tazalyǧy degen söz. Jan-düniesı taza adam qaiyrymdy, meiırımdı bolady», – dep, jalpyūlttyq baǧdarlama ainalǧan bastamanyŋ mänın aşyp berdı.
Kielı oryndardy zirat etudıŋ būrynnan qalyptasqan erejelerı bar. Onyŋ eŋ negızgısı tazalyqpen bailanysty. «Ölı razy bolmai, tırı baiymaidy» degen danalyq ötkenge qūrmet körsetudıŋ maŋyzyn ūǧyndyrady.
Halqymyzdyŋ dünietanymynda qorymdar tek jerleu orny ǧana emes, dünieden ötkenderge qūrmet körsetetın, ata-baba ruhyna taǧzym etetın qasiettı jer. Sondyqtan kesenelerdıŋ, qorymdardyŋ tazalyǧyna, qarausyz qalmauyna erekşe män berıledı.
Osyndai taǧylymdy bastamalar arqyly qoǧamda tazalyqqa degen jauapkerşılık artyp, ūlttyq qūndylyqtarymyzǧa qūrmet nyǧaia tüsedı.
Aita ketu kerek, oblysta 72 nysan kielı oryndar tızbesıne engızılgen. Qasiettı kesenelerge jergılıktı biudjetten jäne demeuşılerdıŋ qoldauymen restavrasiialyq, jöndeu jūmystaryn jürgızıp, keluşılerge yŋǧaily ärı qoljetımdı etu maqsatynda infraqūrylymdary jaqsartyldy.
Aksiia aiasynda aimaqtaǧy 200-ge juyq qasiettı oryndar men zirattardyŋ aumaǧyn tazalau jūmystaryna 20 myŋnan asa tūrǧyndar belsendı qatysty.
Būl baǧyttaǧy igı ıster aldaǧy uaqytta da jalǧasyn tabatyn bolady.
@Qyzylorda oblysy äkımınıŋ baspasöz qyzmetı
