Merekelık ıs-şaraǧa oblystaǧy qūqyq qorǧau organdarynyŋ basşylary, öner jäne qoǧam qairatkerlerı jäne audan tūrǧyndary qatysty.
Räsım üş dürkın «Altyn dombyra» iegerı Mūhtar Niiazovtyŋ arnauymen aşyldy. Aimaq basşysy jūrtşylyqty jaŋa nysannyŋ qoldanysqa berıluımen qūttyqtady.
«Bügın elı yrysty, jerı kürıştı, berekesı tasyp, bırlıgı asqan Jalaǧaş audanyndaǧy bırqatar nysandy el igılıgıne tabystauǧa jinaldyq. Memleket basşysy Qasym-Jomart Kemelūly «Elımızdıŋ ruhani damuy ūlttyq ruhqa tıkelei bailanysty. Sol sebeptı azamattarymyzdyŋ ruhy ärqaşan biık boluy üşın mädenietımızge, ruhaniiatymyzǧa basa män beruımız qajet» degen bolatyn.
Ötken jyl öŋırımızde «Ruhaniiat jyly» dep aişyqtalyp, mädeni-köpşılık şaralarmen bırge auqymdy jobalardy jüzege asyrdyq. Syr öŋırındegı «Ruhaniiat jyly» jemıstı boldy. «Anaǧa taǧzym», «Otbasy ortalyǧy», köpfunksionaldy 1000 oryndyq «Öner ortalyǧy» salynyp, simfoniia orkestrı, inkliuzivtı teatr, jastar teatry, zamanaui bi, hor ūjymdary jasaqtaldy. Syr mädenietınıŋ negızgı brendı – jyraulyq dästür ökılderınıŋ «Jyraular üiı» aşyldy. «Samūryq qazyna trast» qorymen bırge «Üstel tennisı» ortalyǧy, «QazMūnaiGaz» kompaniiasynyŋ demeuşılıgımen «Oquşylar saraiy» salynyp, el igılıgıne berıldı. Biyl būl baǧyttaǧy jūmystar jalǧasyn tauyp, ırı qūrylys nysandary ıske qosylady.
«Ruhaniiat ortalyqtary» köz ılespes özgerısterge toly jaŋa zaman şaqyrtularyna jauap beretın bäsekege qabılettı ūlt qalyptastyruda ruhani-mädeni şaŋyraq bolady dep esepteimız. Barşaŋyzdy jaŋa nysannyŋ aşyluymen taǧy da qūttyqtaimyn! «Ruhaniiat ortalyǧy – bırlıktıŋ ordasy» elımızdıŋ ruhani qazynasyn tolyqtyryp, jūrtşylyqqa quanyş syilasyn. Ūlttyq qūndylyqtarymyz ūlyqtalyp, Täuelsız elımızdıŋ abyroiy ärqaşan asqaq bolǧai!» – dedı aimaq basşysy.
Jiynda Jalaǧaş audanynyŋ Qūrmettı azamaty Ömırbek Şämenov söz söilep, jiylǧan jūrtşylyqty qūttyqtady. Audandyq ardagerler keŋesınıŋ töraǧasy Sadyq Äliev batasyn berdı. Audannyŋ örkendeuıne üles qosqan ardagerler men merdıger mekeme qyzmetkerlerı marapattaldy.
Aita keteiık, byltyrdan berı barlyq 7 audanda qūny 11 mlrd. 500 mln. teŋgenı qūraityn, ışınde neke qiiu zaly, kıtaphana, muzei, arhiv, jastar saraiy, ardagerler men analar üiı bar «Ruhaniiat ortalyqtary» salynyp, paidalanuǧa berılude.
