Saltanatty şaraǧa Parlament Senaty men Mäjılısınıŋ deputattary Ruslan Rüstemov, Mūrat Ergeşbaev, memleket jäne qoǧam qairatkerı Mūrat Baqtiiarūly, "Qazatomönerkäsıp" ūlttyq atom kompaniiasy" aksionerlık qoǧamynyŋ basqarma töraǧasy Meiırjan Iýsupov, ziialy qauym ökılderı men sala basşylary qatysty.
Oblys äkımı jinalǧan jūrtşylyqty Qazaqstan halqynyŋ bırlıgı künımen, Qazaqstan halqy Assambleiasynyŋ 30 jyldyǧymen qūttyqtap, öŋırdegı jobalar men jaŋa ortalyqta atqarylatyn jūmystarǧa toqtaldy.
"Bereke-bırlıgımızdıŋ ūiytqysyna ainalyp, elımızdegı etnosaralyq dostyq pen bırlıktıŋ ülgısın älemge tanytqan Qazaqstan halqy Assambleiasynyŋ qūrylǧanyna biyl 30 jyl toldy. Atalǧan qūrylym bügınde halqymyzdy bırlıkke, dostyqqa ündeitın jalpyūlttyq kelısımnıŋ negızıne ainaldy.
Memleket basşymyz Qasym-Jomart Kemelūly Qazaqstan halqy Assambleiasynyŋ HHHIV sessiiasynda: «Byltyr elımızdıŋ ruhani jäne tarihi-mädeni ordasy - Türkıstanda jaŋa "Dostyq üiı" aşyldy. "Dostyq üilerı" taǧy bırneşe qala men audan ortalyǧynda aşylady dep josparlanuda. Men būl bastamany qoldaimyn. Bız qoǧamdyq kelısım infraqūrylymyn bırtındep keŋeite beruımız kerek", - degen bolatyn.
Jaŋa "Dostyq üiı" - aimaǧymyzdyŋ bırlıgı men yntymaǧyn nyǧaituǧa atsalysqan etnomädeni bırlestıkter men assambleia belsendılerı üşın barlyq qajettılıktermen qamtamasyz etılgen zamanui ǧimarat bolady", - dedı N.Nälıbaev.
Jaŋa nysannyŋ ırgetasyn qalau räsımınde Meiırjan Iýsupov "Dostyq üiı" el igılıgıne, jaqsylyqqa qyzmet etsın degen tılegın bıldırdı.
Sondai-aq, Ruslan Rüstemov, Mūrat Ergeşbaev, Mūrat Baqtiiarūly söz söilep, räsımge qatysuşylardy merekemen qūttyqtady.
"Dostyq üiınıŋ" jaŋa ǧimaraty "Qazatomönerkäsıp" ūlttyq atom kompaniiasy" aksionerlık qoǧamynyŋ qoldauymen 3 mlrd. 800 mln. teŋgege salynady.
Qyzylorda oblysy äkımınıŋ baspasöz qyzmetı
