Astanada S.Seifullin atyndaǧy Qazaq agrotehnikalyq zertteu universitetınde döŋgelek üstel ötıp, onda Qazaqstan Respublikasynyŋ jaŋa Konstitusiiasynyŋ negızgı erejelerı, onyŋ rölı men maŋyzy talqylandy. Is-şaraǧa 60-qa juyq student pen oqytuşy qatysty

Eske sala keteiık, 15 nauryzda elımızde referendum ötıp, onyŋ qorytyndysy boiynşa Qazaqstannyŋ jaŋa Konstitusiiasy qabyldandy. Būl ädılettı qoǧam qūru, memlekettık instituttardy nyǧaitu jäne azamattardyŋ qūqyqtary men bostandyqtaryn qorǧau deŋgeiın arttyru jolyndaǧy maŋyzdy qadam boldy.

Is-şaranyŋ moderatory retınde qoǧammen bailanys jäne būqaralyq aqparat qūraldarymen jūmys departamentınıŋ direktory Zeiın Älıpbek söz söiledı.

Qatysuşylar konstitusiialyq özgerısterdıŋ negızgı aspektılerın, olardyŋ praktikalyq maŋyzyn jäne el bolaşaǧyna yqpalyn talqylady.

Negızgı baiandamany basqarma basşysy Jazira jylqyşieva jasady.

«Konstitusiia – jai ǧana qūqyqtyq qūjat emes. Ol memleket pen qoǧam arasyndaǧy senımnıŋ negızı. Bügınde jastar onyŋ mänın tüsınıp, sezınıp, el bolaşaǧyna jauapkerşılıkpen qarauy asa maŋyzdy», – dedı ol.

Döŋgelek üstelge qatysuşylar Konstitusiianyŋ tek qūqyqtyq negızderdı aiqyndaityn qūral ǧana emes, sonymen qatar qoǧamnyŋ qūndylyqtyq baǧdarlaryn belgıleitın maŋyzdy qūjat ekenın atap öttı. Kezdesu syndarly jaǧdaida ötıp, studentter özderın qyzyqtyrǧan sūraqtaryn qoiyp, sarapşylardan jan-jaqty jauap aldy.

Mūndai kezdesuler studentter arasynda qūqyqtyq mädeniettı nyǧaityp, jastardyŋ memleket damuyna qosatyn ülesın tüsınuge yqpal etedı.