Osydan bır jyl būryn, 2025 jylǧy 30 tamyzda, Qazaqstanda sim-bokstardyŋ zaŋsyz ainalymyna zaŋnamalyq tyiym engızıldı.

«Bailanys turaly» Zaŋnyŋ 4-babynyŋ 4-tarmaǧyna säikes, GSM-şliuzderdı äkeludı, tırkeudı, ötkızudı jäne qoldanudy bailanys qyzmetterın körsetu salasynda lisenziiasy bar bailanys operatorlary ǧana jüzege asyrady.

Osyǧan qaramastan, keibır tūlǧalar tiıstı lisenziiasyz mūndai qūrylǧylardy zaŋsyz äkeludı, ötkızudı jäne paidalanudy jalǧastyruda.

Olardyŋ qatarynda sim-bokstardy habarlandyru saittary arqyly satuǧa ūsynatyn jeke tūlǧalar, sondai-aq telekom-jabdyqtardy satatyn dükender de bar.

Mysaly, Soltüstık Qazaqstan oblysynda OLX saitynda 4 slotty GSM-şliuzdı 120 myŋ teŋgege satu turaly habarlandyru ornalastyrǧan tūlǧaǧa qatysty äkımşılık hattama toltyryldy.

Bügın atalǧan faktı boiynşa kınälı tūlǧany äkımşılık jauaptylyqqa tartu mäselesı şeşılude.

Sim-bokstardy paidalanu şeteldık telefon trafigın qazaqstandyq sim-kartalar arqyly ötkızuge mümkındık beretının atap ötken jön.

Būl alaiaqtarǧa şetelden jergılıktı nömırler arqyly qoŋyrau şaluǧa jäne qoŋyraudyŋ naqty qaidan jasalǧanyn jasyruǧa mümkındık beredı.

Mūndai jabdyqtyŋ qylmyskerlerdıŋ qolyna tüsuı jappai alaiaqtyq qoŋyraular jasauǧa jäne aqşa jymqyruǧa jaǧdai tuǧyzady.

Osyǧan bailanysty sim-bokstardy belgılengen tärtıptı būza otyryp satyp almaŋyz jäne paidalanbaŋyz.

Zaŋnamalyq tyiym engızılgenge deiın satyp alynǧan GSM-şliuzderdıŋ ielerı ne ısteuı kerek?

Olar atalǧan qūrylǧylardy odan ärı paidalanu jäne olarǧa qatysty özge de äreketter jasau tärtıbın anyqtau üşın uäkılettı organǧa jügınuı qajet.

Tiıstı tüsındırmeler alynǧanǧa deiın sim-bokstardy paidalanuǧa bolmaidy.

Būl üşın 5 jylǧa deiın bas bostandyǧynan aiyru jazasy közdelgen.

Bas prokuraturanyŋ baspasöz qyzmetı