Tergeu barysynda 2023–2024 jyldar aralyǧynda «Azamattarǧa arnalǧan ükımet» memlekettık korporasiiasynyŋ №2 mamandandyrylǧan halyqqa qyzmet körsetu ortalyǧynyŋ basşylyǧy J.R. Muraşimov pen bırge bırqatar lauazymdy tūlǧalar jürgızuşı kuälıkterın alu räsımın teoriialyq jäne praktikalyq emtihandardan ötpei zaŋsyz alu shemasyn ūiymdastyrǧany anyqtaldy.

Atalǧan «qyzmet» üşın azamattardan 150 myŋnan 400 myŋ teŋgege deiın aqşa alynǧan.

Nätijesınde 500-den astam adam zaŋsyz jolmen jürgızuşı kuälıgın alǧan.

Qazırgı taŋda tergeu aiasynda 200 million teŋgeden astam somaǧa baǧalanǧan küdıktılerdıŋ mülkıne: 2 jeke üi, 2 päter, 2 jer telımı jäne 10 avtokölıkke tärkıleu maqsatynda tyiym salyndy.

Sottyŋ sanksiiasymen 12 küdıktıge qatysty qamauǧa alu türındegı būltartpau şarasy qoldanyldy.

Qylmystyq ıs boiynşa sotqa deiıngı tergeu jalǧasuda.

QR Qylmystyq-prosestık kodeksınıŋ 201-babyna säikes özge aqparat jariialauǧa jatpaidy.

Aita ketu kerek, jürgızuşı kuälıkterın belgılengen tärtıptı ainalyp ötıp alu – qoǧamdyq qauıpsızdıkke tıkelei qater töndıredı.

Būl Şymkent qalasynda soŋǧy jyldary jiılegen jol-kölık oqiǧalarynan da baiqalady. 2022 jyly mūndai oqiǧalar sany 398 bolsa, 2024 jyly 878-ge deiın jetken.

Eger Sızge ekonomikalyq qūqyq būzuşylyq jasau faktılerı belgılı bolsa, būl turaly "AFM Insider" telegram botyna habarlauyŋyzdy sūraimyz.

Anonimdılıkke kepıldık berıledı.