Kezdesude ekı el arasyndaǧy özara tauar ainalymyn ūlǧaitu mäselesı talqylandy.
«Bız İranmen tauar ainalymyn 3 milliard dollarǧa deiın arttyru mümkındıgın körıp otyrmyz. İran naryǧyna jetkızu üşın 162 million dollar somasyna astyq, künbaǧys maiy, et önımderı jäne basqa da tauarlardy qosa alǧanda, 60-tan astam tauar pozisiiasyn ūsynuǧa daiynbyz», - dep atap öttı ministr Arman Şaqqaliev. Ol Qazaqstan ekı memleket basşylary qol jetkızgen uaǧdalastyqtardy belsendı türde jüzege asyryp jatqanyn aitty. İran Qazaqstannyŋ Taiau Şyǧystaǧy negızgı serıktesterınıŋ bırı bolyp tabylady.
Ekı eldıŋ sauda qatynastaryn nyǧaitu maqsatynda alda ötetın sauda-ekonomikalyq missiia, sondai-aq 2025 jyldyŋ aqpanynda Tegeranda josparlanǧan biznes-forum maŋyzdy röl oinamaq. Missiianyŋ maqsaty - elder arasyndaǧy ekıjaqty qarym-qatynasty nyǧaitu, qazaqstandyq öndıruşıler men irandyq satyp aluşylar arasynda tıkelei bailanystar ornatu, sondai-aq Qazaqstannyŋ eksporttyq äleuetın keŋeitu bolyp tabylady. Oǧan qosa sauda-ekonomikalyq ärıptestıktı damytuǧa yqpal ete otyryp, ekı eldıŋ biznesı üşın jaŋa mümkındıkterge jol aşylady.
2024 jyldyŋ 11 aiynyŋ qorytyndysy boiynşa Qazaqstan men İran arasyndaǧy tauar ainalymy 296 million AQŞ dollaryn qūrady, būl ötken jyldyŋ säikes kezeŋımen salystyrǧanda 8,1%-ǧa artyq. Qazaqstannan İranǧa eksport kölemı 29,1%-ǧa ösıp, 100,6 million AQŞ dollaryn qūrady.
Qazaqstannan İranǧa jetkızıletın negızgı tauarlar arpa, bidai, raps dänı, künbaǧys maiy, jügerı, sondai-aq, qoi, eşkı jäne siyr etı.
