Memleket basşysynyŋ bastamasymen «Taza Qazaqstan» respublikalyq ekologiialyq baǧdarlamasy aiasynda Syr öŋırınde sanitarlyq tazalyqty saqtau, abattandyru jäne tūrǧyndardyŋ ömır süruıne qolaily jaǧdai jasau baǧytynda auqymdy jūmystar atqaryluda.
Biudjet qarajatymen qatar, käsıpkerlerdıŋ demeuşılıgımen ortalyq alaŋdar, saiabaqtar men demalys oryndary, oiyn jäne sport alaŋdary qaita jaŋǧyrtylyp, tūrǧyn üiler men äleumettık nysandar zamanaui ülgıde jöndelude.
Qazırgı taŋda Qyzylorda qalasyndaǧy Prezident jäne Densaulyq saiabaqtarynyŋ aumaǧy bırtūtas keşen retınde jaŋǧyrtyluda. Aumaǧyna halyq sūranysyna sai avtokölık tūraǧy salynyp, gülzarlarmen kömkerıledı. Kölemı 64,5 gektar bolatyn būl keşende jaiau jürgınşıler men velosiped joldary, aşyq sahna, sporttyq alaŋdar, balalar oiyn aimaqtary, demalys oryndary men köleŋkelı pavilondar salynuda. Bır sözben aitqanda qala tūrǧyndary men qonaqtary üşın jaily ärı qauıpsız orta qalyptasady.
Qalalyq mädeniet jäne demalys parkı qaita jaŋǧyrtudan ötıp, jaŋa kelbetke ie boldy. Mūnda jaŋa arka ornatylyp, «Syr batyrlary» eskertkışı Taǧzym alaŋyna auystyryldy. Qorşaular men jürgınşıler joly jaŋartylyp, 544 tüp aǧaş pen qylqan japyraqty köşetter otyrǧyzyldy. Būdan bölek, skeitpark, vorkaut alaŋdary, balalar oiyn aimaqtary, fud-korttar jäne aşyq amfiteatr salyndy.
Qala ortalyǧyndaǧy Qorqyt ata memorialdy alleiasyn qaita jaŋǧyrtu jūmystary qarqyndy jürude. Jalpy aumaǧy 38 myŋ şarşy metrden asatyn demalys ornyndaǧy jasyl jelek alaŋy ūlǧaitylyp, halyqtyŋ saialy ornyna ainalatyn bolady. Balalarǧa arnalǧan oiyn jäne sport alaŋdary zamanaui jabdyqtarmen qamtamasyz etılıp, qauıpsız ärı qolaily etıp jasaluda. Bügınde qūrylys jäne abattandyru jūmystarynyŋ 65 paiyzy aiaqtalǧan.
Täuelsızdıktıŋ 25 jyldyǧy daŋǧyly boiyndaǧy Syrdariia jaǧalauyn abattandyru jäne bekıtu jūmystary da belsendı jürgızıldı. Joba aiasynda 6,7 şaqyrym jaǧalauda tıreu qabyrǧalary nyǧaitylyp, jol keŋeitıldı. Qaita jaŋǧyrtu jūmystary aiasynda joldyŋ negızı jaŋartylyp, asfalt töseldı. Syrdariia özenı boiyndaǧy 1,4 şaqyrym qorǧanys bögetı tolyqtai tazartylyp, 1,4 şaqyrym tıreu qabyrǧasy tūrǧyzyldy. Būǧan qosa, būrynǧy ekı jolaqty jol tört jolaqty bolyp, enı 14 metrge deiın keŋeitıldı.
Jol boiynda 8 balalar oiyn alaŋy men sporttyq qūral-jabdyqtar ornatylyp, tūrǧyndardyŋ bos uaqytyn tiımdı ötkızuıne jaǧdai jasaldy. Jaǧalau aimaǧy abattandyrylyp, seruendeuge qolaily infraqūrylym ornatyldy. Daŋǧyl tek injenerlık tūrǧydan ǧana emes, estetikalyq jaǧynan da jaŋardy. Jol jiegı türlı-tüstı boiaularmen kömkerılıp, köz tartarlyq surettermen bezendırılgen.
Ärı qarai daŋǧyldyŋ jalǧasy retınde Äbılqaiyr han köşesınen Salamatov köşesıne deiın 2,9 şaqyrym jaŋa jol qūrylysy jürgızılude. Būl baǧytta da özen boiyndaǧy qorǧanys bögetı küşeitıledı. Tört jolaqty avtojolmen qatar, enı 3 metrlık jaiau jürgınşıler joly salynady.
Qalanyŋ ekologiialyq kelbetın jaqsartu jäne tūrǧyndardyŋ ömır süru sapasyn arttyru baǧytyndaǧy jūmystarmen QR Parlamentı Senatynyŋ deputattary Ruslan Rüstemov pen Nauryzbai Baiqadamov tanysyp şyqty.
Baspasöz qyzmetı
