Oblys äkımı Nūrlybek Nälıbaev, ziialy qauym ökılderı, memlekettık mekemeler qyzmetkerlerı jäne ekobelsendılerdıŋ qatysuymen «Taza Qazaqstan» baǧdarlamasy aiasynda «Möldır būlaq» atty auqymdy ekologiialyq aksiia öttı. Būlaqtar men jaǧalau aumaqtary tazartylyp, oǧan 16 000-nan astam adam qatysty, 425 tonnadan astam tūrmystyq qaldyq şyǧaryldy. Sonymen qatar, 140-tan astam arnaiy tehnika jūmyldyrylyp, jūmystyŋ sapaly ärı jedel oryndaluyna mümkındık jasaldy. Öŋırdıŋ barlyq audanynda Syrdariia özenınıŋ jaǧalauy, Aral audanyndaǧy "Aqespede", Jaŋaqorǧan audanyndaǧy «Qainarbūlaqta» tabiǧi su közderı tazartylyp, maŋy abattandyryldy.
Jalpy būlaqtar su resurstary tapşy aimaqtar üşın balamaly su közı retınde erekşe maŋyzǧa ie. Osyndai igı bastamalar tabiǧatty qorǧaudaǧy ortaq jauapkerşılıktı arttyryp, ekologiialyq mädeniettı qalyptastyruǧa sübelı üles qosady.
Aita ketu kerek, aimaqta «Taza Qazaqstan» respublikalyq ekologiialyq baǧdarlamasy aiasynda sanitarlyq tazalyq, abattandyru, tūrǧyndardyŋ ömır süruıne qolaily jaǧdai jasau baǧytynda keşendı jūmys atqaryluda.
Biudjet qarajatynan bölek, käsıpkerlerdıŋ demeuşılıgı esebınen demalys oryndary, balalar oiyn jäne sport alaŋdary, qoǧamdyq keŋıstıkter kezeŋ-kezeŋımen qaita jaŋǧyrtylyp, tūrǧyn üiler men äleumettık nysandar zamanaui talaptarǧa sai jöndeuden ötkızılude. Soŋǧy jyldary biudjet jäne demeuşılık qarajaty esebınen Qyzylorda qalasyndaǧy ortalyq alaŋ, qalalyq mädeni-demalys parkı jäne Qorqyt ata skverı qaita jaŋǧyrtylyp, tūrǧyndar igılıgıne berıldı. Sonymen qatar, juyrda Prezident saiabaǧy qaita salynyp aşyldy.
Auylda qolaily ömır süru ortasyn qalyptastyru jäne tūrǧyndardy tazalyq mädenietıne yntalandyru maqsatynda jyl saiyn «Ülgılı eldı meken» konkursy ūiymdastyrylyp keledı. Atalǧan jobaǧa soŋǧy üş jylda 2 mlrd 64 mln teŋge bölınıp, üzdık dep tanylǧan eldı mekenderge 67 arnaiy tehnika tabystaldy.
Tūrmystyq qatty qaldyqtardy tiımdı basqaru, sūryptau, öŋdeu jäne kädege jaratuda «Jasyl damu» AQ qarjylandyruymen 9 joba qolǧa alynǧan.
Jaŋaqorǧan audanynda qatty tūrmystyq qaldyqtardy sūryptau keşenı tolyq qarjylandyrylyp, qajettı qūral-jabdyqtary jetkızıldı. Qazır nysandy ıske qosu jūmystary jürgızılude. Qalǧan 8 jobany «Önerkäsıptı damytu qory» saraptamadan ötkızıp, qarjylandyru üşın tiıstı kelısım-şarttar jasaluda.
Būdan bölek, oblystyq biudjet esebınen 475 mln teŋgege Syrdariia audanynda sūryptau keşenı bar qatty tūrmystyq qaldyqtar poligony salynyp, ıske qosyldy.
Qyzylorda oblysy äkımınıŋ baspasöz qyzmetı
