Memorandumǧa oblystyq bılım basqarmasynyŋ basşysy Asqarbek Esjanov pen «Orda school» mektebınıŋ qūryltaişysy Mūrat Baqtiiarūly qol qoidy. Oǧan jauapty sala basşylary, qoǧam qairatkerlerı, ziialy qauym ökılderı, bılım salasynyŋ qyzmetkerlerı qatysty.
Nūrlybek Maşbekūly öŋırde Memleket basşysynyŋ, Ükımettıŋ erekşe qoldauymen jüzege asqan auqymdy jobalar men tyŋ bastamalar turaly aityp öttı.
«Aimaǧymyzda jas ūrpaqtyŋ sapaly bılım aluyna barlyq jaǧdai jasaluda. Soŋǧy jyldary bız biudjet qarjysynyŋ basym bölıgın äleumettık salaǧa, onyŋ ışınde bılım salasyna baǧyttadyq. Bılım beru salasyna soŋǧy 3 jylda 812 mlrd. 245 mln. teŋge, biyl 346 mlrd. 800 mln. teŋge qaraldy. Bölıngen qarjynyŋ tüpkılıktı maqsatqa jetuı men qarjy būzuşylyqtardyŋ aldyn aluda naqty şaralar qabyldanǧan.
Bızdıŋ eŋ bırınşı mındetımız – balalarymyzdyŋ jan-jaqty, sapaly bılım aluyna qolaily jaǧdai jasap, jaily orta qalyptastyru.
Aimaǧymyzda alǧaşqylardyŋ bırı bolyp, täuekelge bel buyp, qarjysyn bılım beru salasyna salǧan Mūrat Baqtiiarūly aǧamyz bolatyn. Bügınde «Orda school» jekemenşık mektepterınıŋ jelısı 4-ke jettı.
Bız de öz kezegımızde taza, şynaiy jūmys jasaityn käsıpkerlerdı ünemı qoldap kelemız. «Sabalaq» saiajaiy aumaǧy jyl saiyn keŋeiıp, halyq sany artqanyn eskersek, «Orda school - 2» jeke mektebınıŋ perspektivasy zor.
Ärbır ata-ana balasynyŋ zamanaui ǧimaratta oqyp, bılımdı bolǧanyn qalaidy. Būǧan deiın jeke mektepte 336 oquşy tegın oqyp keldı. Mūrat Baqtiiarūly biznestıŋ äleumettık jauapkerşılıgı aiasynda 2023 jyldyŋ qyrküiegınde aşylǧan «Orda school - 2» jekemenşık mektebın oblystyq kommunaldyq menşıkke beru jönınde şeşım qabyldady. Jas örenderımızdıŋ igılıgı jolynda jasaǧan batyl qadamyŋyz üşın Syr jūrtşylyǧy atynan şynaiy alǧysymyzdy bıldıremız!
Bäsekege qabılettı, zamannyŋ jaŋa şaqyrtularyna daiyn, ozyq oily ūrpaq tärbieleu – memleket aldyndaǧy strategiialyq maŋyzdy mındet. Barşa bastamalaryŋyzǧa sättılık tıleimın jäne bırlese jūmys atqaruǧa şaqyramyn!», – dedı aimaq basşysy.
Endı būl bılım beru ūiymy №297 orta mektep bolyp qaita qūrylyp, memlekettık mekeme retınde jūmysyn jalǧastyrady. Būǧan deiın saiajaidan qaladaǧy mektepterge qatynap oquǧa mäjbür bolǧan 326 oquşynyŋ mäselesı tolyq şeşımın tabady.
Basqosuda «Orda school» mektebınıŋ qūryltaişysy, memleket jäne qoǧam qairatkerı Mūrat Baqtiiarūly, «Ūlaǧat» mektebınıŋ qūryltaişysy Qalqazbek Äjıbekov, «Zerde» mektebınıŋ qūryltaişysy Seitqali Alşynbaev söz söiledı.
@Qyzylorda oblysy äkımınıŋ baspasöz qyzmetı
