Osyǧan orai, elımızdıŋ barlyq öŋırınde jūmysşy mamandyqtardy nasihattau, eŋbek adamyn qoldau jäne jūmysşy käsıbınıŋ märtebesın arttyru baǧytynda auqymdy şaralar qolǧa alyndy.
Syr öŋırınde de «Jūmysşy mamandyqtar jylyn» mazmūndy ärı jüielı ötkızu maqsatynda oblys äkımı Nūrlybek Nälıbaevtyŋ bastamasymen arnaiy ıs-şaralar jospary bekıtılıp, türlı jobalar jüzege asyryluda.
Bügın Qyzylordada «Jūmysşy jas mamandar sletı» öttı. Auqymdy jiynǧa elımızdıŋ bırneşe öŋırınen, sondai-aq barlyq audandar men qalalardan 100-den astam jūmysşy jas maman arnaiy qatysty.
Plenarlyq otyrysta oblys äkımınıŋ orynbasary Şahmardan Baimanov söz söilep, öŋırde «Jūmysşy mamandyqtar jylynda» atqarylǧan jūmystarǧa toqtaldy.
«Jastar – qoǧamnyŋ qozǧauşy küşı» degen qaǧida bar. Memleket basşysynyŋ būl bastamasyn äsırese, jastar qauymy erekşe yqylaspen qarsy aldy. Respublika kölemınde türlı formattaǧy şaralar ūiymdastyrylyp, jastardy qoldauǧa baǧyttalǧan igı bastamalar qolǧa alynuda. Qazırgı taŋda, öŋırımızde 28 kolledj bar. Onyŋ 19-da 45 mamandyq, 49 bılıktılık boiynşa jūmysşy kadrlar daiarlanyp, jalpy 20341 studenttıŋ 4890-y jūmysşy mamandyǧy boiynşa bılım aluda. Osy jyly 2 kolledj bazasynda tıgın sehy aşyldy.
Halyqaralyq bailanysty damytuda kolledjder Türkiia, Qyrǧyzstan, Germaniia, Resei, Latviia, Özbekstan, Polşa memleketterınıŋ 7 halyqaralyq, 98 respublikalyq jäne 56 aimaqtyq oqu oryndarymen 161 yntymaqtastyq memorandumyna qol qoidy. «Mansap kompasy» platformasy arqyly 3000 oquşyǧa käsıbi baǧdar berıldı, 20 myŋ oquşyǧa käsıporyn bazalaryna ekskursiialar ūiymdastyrylyp, 40 mektep bazasynda beiındı synyptar aşyldy.
Öŋırımızde auqymdy investisiialyq jobalar jüzege asyrylyp, öndırıs oryndary aşylyp, jaŋa jūmys oryndary köptep aşyluda»,- dedı Şahmardan Asqarūly.
Slet jūmysy barysynda jastar «Qyzylorda oblysynyŋ jūmysşy jas mamandarynyŋ assosiasiiasyn» qūru bastamasyn köterdı. Būl bastama özge öŋırlerden kelgen qatysuşylardy da qanattandyryp, zor qoldauǧa ie boldy.
Jiyn soŋynda elımızdıŋ jäne aimaǧymyzdyŋ äleumettık-ekonomikalyq damuyna eleulı üles qosqan jastar aimaq basşysynyŋ Alǧys hatymen marapattaldy.
Sletke qatysuşylar öŋırdegı öndırıs oryndaryn aralap, oqu oryndarynyŋ zamanaui materialdyq-tehnikalyq bazasymen tanysty.
Jastar «Orda Glass Ltd» JŞS şyny zauytyna, Besaryq auylyndaǧy öndırıstık nysandarǧa, «Qaysar Arena» stadiony men Oquşylar saraiyna, sondai-aq Tennis ortalyǧy, oblystyq tarihi-ölketanu muzeiı, muzykalyq kolledj, «Anaǧa taǧzym», «Öner» jäne «Otbasy ortalyqtaryna" bardy.
Sonymen qatar, S. Yqsanov atyndaǧy qūrylys jäne biznes, İ. Äbdıkärımov atyndaǧy Qyzylorda politehnikalyq kolledjderınıŋ oqu-öndırıstık mümkındıkterı men jabdyqtalu deŋgeiın körıp, ondaǧy bılım beru ürdısımen tanysty.
Aita ketu kerek, 25 şılde künı slet qatysuşylary Baiqoŋyr qalasyna arnaiy saparmen baryp, älemge äigılı ǧaryş ailaǧy men tarihi muzeilerdı aralaidy. Būl ıssapar jastarǧa ǧylymi-tehnikalyq jetıstıkterdı öz közımen köruge, sondai-aq, Baiqoŋyrdyŋ el damuyndaǧy tarihi maŋyzy jaily mol maǧlūmat aluǧa mümkındık beredı.
Qyzylorda oblysy äkımınıŋ baspasöz qyzmetı
