Halyqaralyq äielder künı qarsaŋynda «Anaǧa taǧzym» ortalyǧynda Qyzylorda oblysynyŋ äkımı Nūrlybek Nälıbaev äiel-analarmen kezdestı. «Syiynar em, Ana degen täŋırge» taqyrybyndaǧy basqosuǧa eŋbek ardagerlerı, türlı sala mamandary men BAQ ökılderı qatysty.
Aimaq basşysy jinalǧan qauymdy köktemnıŋ şūǧylaly merekesımen qūttyqtap, qyz-kelınşekterdıŋ elımızdıŋ, Syr öŋırınıŋ damuyna qosqan sübelı ülesın atap öttı.
«Memleket basşymyz Qasym-Jomart Kemelūly «Ananyŋ aialy alaqany men şeksız meiırımı är üige jylylyq beredı. Salt-dästürımız ben ana tılımızdıŋ bügıngı künge jetuı de, eŋ aldymen, analardyŋ arqasy. Ömırdıŋ mänı de, tırşılıktıŋ sänı de – sızder!» – degen bolatyn.
Ötken tarihymyzǧa qarasaq, el basyna kün tuǧanda asyl analarymyz ben aiauly arularymyz qiyndyqqa moiymai, ūlt taǧdyryna aralasty. Bala tärbiesın ūlt tärbiesı dep qaraǧan dana halqymyz bolaşaq ūrpaqty düniege äkelıp, baǧyp-qaǧyp, qiiaǧa qanat qaqtyratyn analardy ardaqtai da, aialai da bılgen.
Bügınde otbasy institutyn, köpbalaly analardy, käsıpker äielderdı qoldau, genderlık teŋdıktı qamtamasyz etu memlekettık saiasattyŋ asa maŋyzdy basymdyǧyna ainaldy. Aimaǧymyzda analardy äleumettık qoldau baǧytyndaǧy jūmystar nätijelı ıske asyryluda.
Sızder täuelsız elımızdıŋ damuyna zor üles qosyp, ärqaşan parasattyŋ, meiırım pen ızgılıktıŋ ūiytqysy bolyp kelesızder. Köktem merekesı köŋılderıŋızge şattyq syilasyn!» – dedı N.Nälıbaev.
Basqosuda oblystyq äielder keŋesınıŋ töraiymy Raikül Bainazarova aimaqta «Keleşek mektepterınıŋ», basqa da bılım ordalarynyŋ salynuy, qosymşa bılım beretın mekemelerdıŋ aşyluy ana men balaǧa jasalǧan qamqorlyqtyŋ naǧyz ülgısı ekenın atap öttı. Qarmaqşy audandyq äielder keŋesınıŋ töraiymy Güljauhar Raeva «Ruhaniiat ortalyqtarynyŋ» ūlttyq qūndylyqtardy saqtap, ūrpaq sabaqtastyǧyn jalǧastyrudaǧy qyzmetıne toqtaldy. Al Jaŋaqorǧan audany «Qyrkeŋse» därıgerlık ambulatoriiasynyŋ aǧa därıgerı Jazira Mälıkova özı qyzmet etetın saladaǧy, äsırese auyldaǧy medisinalyq mekemelerdıŋ jabdyqtaluyndaǧy jetıstıkterdı aitty.
Jiynǧa qatysuşylar oblys äkımınıŋ Alǧys hatymen marapattaldy.
Bügınde öŋır halqynyŋ sany 845 135 bolsa, onyŋ 419 819-y, iaǧni 49,6%-y – äielder, 185 myŋ qyz-kelınşek qalalyq jerde, 230 myŋnan astamy auylda tūrady.
Memlekettıŋ jüielı qoldauynyŋ arqasynda qyz-kelınşekterdıŋ ekonomikadaǧy, saiasat pen qoǧamdyq qyzmettegı rölı jyl ötken saiyn artyp keledı.
Qyzylorda oblysy äkımınıŋ baspasöz qyzmetı
