«Zaŋ men tärtıp» ideologiiasyn ılgerıletu, azamattardyŋ qūqyqtyq sauattylyǧyn arttyru jäne internet keŋıstıgındegı alaiaqtyqtyŋ aldyn alu maqsatynda Qyzylorda oblysy Polisiia departamentınıŋ qyzmetkerlerı öŋırge tanymal bloger Ersūltan Baijanovpen bırlesıp, aqparattyq-tüsındıru jūmystaryn jürgızdı.

Is-şara barysynda polisiia qyzmetkerlerı men bloger halyq köp şoǧyrlanatyn oryndarda tūrǧyndarmen kezdesıp, internet alaiaqtarynyŋ keŋ taralǧan täsılderı turaly tüsındırdı. Sondai-aq azamattarǧa jeke jäne banktık derekterdı qorǧau, kümändı sıltemelerge ötpeu, beitanys nömırlerden keletın qoŋyraularǧa saqtyqpen qarau jäne alaiaqtardyŋ arbauyna tüspeu joldary jönınde keŋester berıldı.

Tūrǧyndarǧa internettegı qauıpsızdık erejelerı körsetılgen aqparattyq paraqşalar taratyldy. Sonymen qatar azamattardyŋ nazaryn audaru maqsatynda internet alaiaqtyqtyŋ aldyn aluǧa baǧyttalǧan arnaiy beinerolik tüsırıldı.

Is-şara barysynda qazırgı taŋda özektı mäselelerdıŋ bırı – «dropperlık» turaly da keŋınen tüsındırıldı.

Dropper – özınıŋ bank kartasyn, şotyn nemese özge de tölem qūraldaryn üşınşı tūlǧalarǧa berıp, zaŋsyz aqşa audarymdaryn jüzege asyruǧa mümkındık beretın adam. Alaiaqtar mūndai şottardy jäbırlenuşılerden tüsken qarajatty basqa şottarǧa audaru nemese qolma-qol aqşaǧa ainaldyru üşın paidalanuy mümkın.

Polisiia azamattardy özderınıŋ bank kartalaryn, şottaryn jäne bank qosymşalaryna qatysty derekterdı bögde adamdarǧa bermeuge şaqyrady. Kümändı ūsynystarǧa senbei, kez kelgen qarjylyq operasiiaǧa barynşa saqtyqpen qarau qajet.

Polisiia internet alaiaqtyqtyŋ aldyn alu baǧytyndaǧy tüsındıru jūmystaryn tūraqty türde jalǧastyrady.