Qarjylyq monitoring agenttıgınıŋ Almaty qalasy boiynşa departamentı prokuraturanyŋ üilestıruımen Alemcredit.com internet-resursy arqyly azamattarǧa kriptovaliuta türınde mikrokredit beremız degen jeleumen jasalǧan alaiaqtyq deregı boiynşa tergeu jürgızıp jatyr.

Tergeu derekterıne säikes, yqtimal qaryz aluşylar äleumettık jelıler arqyly belsendı tartylǧan. Onda tiımdı şarttarmen qaryz berıletını turaly jarnama keŋınen taratylǧan. Qaryz räsımdeu üşın azamattardan jeke basyn säikestendıru räsımınen ötu, derbes derekterın ūsynu jäne elektrondyq qūjattarǧa qol qoiu talap etılgen.

Alaida atalǧan räsımder aiaqtalǧannan keiın mämılenıŋ naqty şarttary bastapqyda körsetılgen talaptardan edäuır özgeşe bolǧan. Qaryz aluşylarǧa uäde etılgen somadan äldeqaida az qarajat audarylyp, onyŋ bır bölıgı aldyn ala eskertılmegen komissiialar men özge de tölemder retınde ūstalǧan.

Sondai-aq mämıle jasalǧanǧa deiın qaryzdyŋ tolyq qūny, artyq tölem mölşerı, syiaqy men aiyppūldar turaly aqparat tolyq kölemde berılmegen.

Qarajat üşınşı tūlǧalardyŋ, iaǧni dropperlerdıŋ bank kartalary arqyly qaitarylǧan.

İnternet-resurstyŋ jūmysyn qamtamasyz etu jäne qaryz aluşylarmen bailanys ornatu üşın zaŋdy tūlǧalardy, telekommunikasiialyq resurstar men tehnikalyq qūraldardy qamtityn tarmaqtalǧan infraqūrylym paidalanylǧan.

Tıntu barysynda jappai SMS-habarlama taratuǧa qoldanylǧan SIM-bokstar men köp mölşerde SIM-karta tärkılendı.

Tergeu jalǧasyp jatyr.

QR Qylmystyq-prosestık kodeksınıŋ 201-babyna säikes özge aqparat jariia etılmeidı.

 QR QMA Baspasöz qyzmetı