Temır jolmen jetkızılgen jüktıŋ jalpy kölemı 2,2 myŋ tonna. Būlar ösımdık maiy, bidai ūny, kürış jarmasy, qysqy jäne jazǧy şatyrlar, körpeler. Zäru därılık zattar bar gumanitarlyq kömektıŋ bır bölıgı äue kölıgımen jıberılmek. Gumanitarlyq kömek «KazAID» Qazaqstandyq halyqaralyq damu agenttıgınıŋ järdemımen körsetıldı.

Qazaqstan Respublikasynyŋ Auǧanstandaǧy uaqytşa senımdı ökılı Ǧaziz Aqbasov atap ötkendei, Qazaqstan auǧan halqyn qoldaudy jalǧastyryp, ekı el arasyndaǧy dostyq, sauda-ekonomikalyq bailanysty damytudy däiektı türde qoldaidy. Tek gumanitarlyq qana emes, tau-ken önerkäsıbı, kölık, logistika men auyl şaruaşylyǧy salasyndaǧy yntymaqtastyqty tereŋdetuge daiyn.

21–23 säuır aralyǧynda vise-premer – ūlttyq ekonomika ministrı Serık Jūmanǧarin bastaǧan qazaqstandyq delegasiia Kabulǧa barady. Sapar şeŋberınde Auǧanstannyŋ resmi tūlǧalarymen kezdesuler, qazaqstandyq tauarlardyŋ körmesın ötkızu josparlanyp otyr.

Qazaqstandyq halyqaralyq damu agenttıgı