Oquşylar tört bırdei medal ielenıp, elımızdıŋ jas matematikter daiarlaudaǧy äleuetın taǧy bır märte älemge paş ettı - dep habarlaidy  Oqu-aǧartu ministrlıgınıŋ baspasöz qyzmetı. Biyl Priştina qalasynda (Kosovo) ötken halyqaralyq baiqauǧa älemnıŋ 52 elınen 219 oquşy qatysty. Qazaqstan atynan tört oquşy jäne ekı jetekşı qatysty. 

Olimpiada qorytyndysy boiynşa Qazaqstan qūramasynyŋ barlyq qatysuşylary jüldelı oryndarǧa ie boldy:

Iýliia Katunina - kümıs jüldeger – Pavlodar qalasyndaǧy №8 daryndy balalarǧa arnalǧan liseiınıŋ 10 synyp oquşysy;

Arai Kasenova – qola jüldeger-Almaty qalasyndaǧy «Haileybury Almaty» halyqaralyq mektebınıŋ 11 synyp oquşysy;

Anar Didarbekova – qola jüldeger - Almaty qalasynyŋ №39 S.A.Hodjikov atyndaǧy mamandandyrylǧan liseiınıŋ 11 synyp oquşysy;

Arujan Qairat – qola jüldeger-Almaty qalasynyŋ №39 S.A.Hodjikov atyndaǧy mamandandyrylǧan liseiınıŋ 10 synyp oquşysy.

Qyzdarǧa arnalǧan Europalyq matematikalyq olimpiada alǧaş ret 2012 jyly Ūlybritaniianyŋ Kembridj qalasynda ötken bolatyn. Qazaqstan qūramasy būl bedeldı bılım bäigesıne 2017 jyldan berı tūraqty türde qatysyp keledı. Osy uaqyt aralyǧynda elımızdıŋ daryndy qyzdary 3 altyn, 12 kümıs, 15 qola medal men 4 Qūrmet gramotasyn ielendı.

Halyqaralyq deŋgeide Qazaqstannyŋ abyroiyn asqaqtatqan jeŋımpazdardy, olardyŋ ata-analaryn, jetekşılerın jäne mektep ūjymdaryn şyn jürekten qūttyqtaimyz!