Būl – Qazaqstandaǧy eŋ ūzyn köpır.

–Köpır qūrylysyn tekseru üşın jalpy jüktemesı 450 tonnany qūraityn 15 jük kölıgı tartyldy. Arnaiy qūrylǧylar köpırdegı deformasiia, dırıl (vibrasiia) jäne jüktemenı bölu körsetkışterın tırkep aldy, — delıngen Kölık ministrlıgınıŋ baspasöz qyzmetı taratqan aqparatta.

Synaq nätijelerı Būqtyrma su qoimasy arqyly ötetın jaŋa köpırdıŋ barlyq normativtık qauıpsızdık talaptaryna säikes keletının jäne ülken jüktemelerge tötep bere alatynyn rastady.

Ekı jolaqty köpır Şyǧys Qazaqstan oblysynyŋ Jarma, Katonqaraǧai, Kürşım, Kökpektı, Zaisan jäne Altai audandary arasynda kölıkterdıŋ jyl boiy üzdıksız jüruı üşın qajet.

Aita keteiık, Ükımet basşysy Oljas Bektenov şılde aiynda Şyǧys Qazaqstan oblysyna jūmys sapary barysynda jol-kölık salasyn damytu josparlarymen tanysyp, Būqtyrma su qoimasyndaǧy Kürşım köpır ötkelınıŋ qūrylys qarqynyn tekserdı.

Sonymen qatar Şyǧys Qazaqstan oblysynda salynyp jatqan köpır aqyly boluy mümkın ekenı aityldy.

Būdan bölek, Būqtyrmadaǧy köpır qūrylysyna şeteldık jūmys küşı tartylmaǧany belgılı boldy.