Onyŋ qandai talaptar ekenın Ortalyq kommunikasiialar qyzmetınde ötken brifingte Äbdıqalyqov tüsındırıp berdı. Onyŋ aituynşa, zaŋsyz kontent nemese jeke derekterdıŋ syrtqa şyǧuy anyqtalsa, platforma būǧattaluy mümkın.

Ruslan Äbdıqalyqov ǧalamtordaǧy zaŋsyz kontenttı qadaǧalap, aqparatqa qoljetımdılıktı şekteuge Mädeniet jäne aqparat ministrlıgı jauapty ekenın de atap öttı.

"Bızge elımızdıŋ azamattarynan TikTok platformasynda jeke mälımetterdı taratu faktılerı turaly bırde-bır şaǧym tüsken joq. Eger bız mūndai faktılerdı anyqtasaq, tiısınşe, bırınşı kezekte TikTok äkımşılıgımen tıkelei bailanysamyz. Ekınşıden, bailanys turaly zaŋnamaǧa säikes eger bızdıŋ kelıssözımız sätsız bolsa, al olar būiryq şyǧaryp qoisa, bız öz ärıptesterımızge jügınemız. Eger qandai da bır platforma bızdıŋ elımızdıŋ zaŋdy talaptaryn oryndaudan bas tartsa, bız onyŋ qoldanysyn şekteuge mäjbür bolamyz. Būl tek TikTok-qa ǧana qatysty emes, kez kelgen platformaǧa qatysty", - dedı Äbdıqalyqov.

Sifrlyq damu ministrlıgınıŋ Aqparattyq qauıpsızdık komitetı de Telegram Qazaqstanda öz keŋsesın aşyp, resmi ökıldı taǧaiyndaudy josparlap otyrǧany turaly aqparatty rastady.