Sessiia bastalǧaly berı 62 zaŋ qabyldanyp, Senatqa joldanǧan. Onyŋ ışınde 55 zaŋǧa Prezident qol qoiǧan. Qabyldanǧan normativtık-qūqyqtyq aktılerdıŋ qatarynda Su kodeksı, sondai-aq qarjy naryǧyn damytu jäne qarjylyq qyzmetterdı tūtynuşylardyŋ qūqyǧyn qorǧau, tauarlardyŋ şyǧarylǧan elın aiqyndau, densaulyq saqtau jäne oiyn biznesı turaly maŋyzdy zaŋdar bar.

Bügınge deiın deputattardyŋ qarauyna 76 zaŋ jobasy kelıp tüstı. Prezident tapsyrmasyna säikes, Salyq, Qūrylys kodeksterı men mındettı äleumettık medisinalyq saqtandyruǧa, ǧylymi zertteu aumaqtaryn damytuǧa, qylmystyq-prosestık zaŋnamany jetıldıruge jäne jasandy intellektıge qatysty zaŋ jobalary boiynşa jūmys jürgızılıp jatyr.

Mäjılıs töraǧasy jaŋa Salyq kodeksınıŋ bırınşı oqylymynyŋ qorytyndylaryn, Prezidenttıŋ Burabaida ötken Ūlttyq qūryltai otyrysynda bergen tapsyrmalaryn zaŋnamalyq tūrǧydan qamtamasyz etu jūmystary turaly baiandady.

Qasym-Jomart Toqaevqa deputattardyŋ öŋırlerge ıssaparlary kezınde azamattardan tüsken aryz-şaǧymdardy memlekettık organdardyŋ qarauy, Prezidenttıŋ saiasi reformalaryn jüielı jüzege asyru mäselelerı plenarlyq otyrystarda tūraqty talqylanyp kele jatqany jaiynda aityldy.

Sonymen qatar Memleket basşysyna Amanat partiiasynyŋ «Qaryzsyz qoǧam», «Auyl amanaty», «Jer amanaty», «Äkımder mektebı» jobalarynyŋ jüzege asyrylu barysy tanystyryldy.

Būdan bölek, Erlan Qoşanov parlamenttık diplomatiia aiasynda atqarylǧan jūmystardyŋ qorytyndysyna toqtaldy. Atap aitqanda, Mäjılıs delegasiiasy Taşkentte ötken 150-şı Parlamentaralyq odaq assambleiasyna qatysyp, Memleket basşysynyŋ äleumettık ädıldıktı qamtamasyz etuge baǧyttalǧan reformalaryn tanystyrǧan. Mūndai jūmys ŪQŞŪ parlamenttık assambleiasy, Türkı memleketterınıŋ parlamenttık assambleiasy, TMD parlamentaralyq assambleiasy jäne basqa da baǧyttaǧy halyqaralyq yntymaqtastyq şeŋberınde belsendı jürgızılıp jatyr.

akorda.kz