Jūmys sapary barysynda Qanat Bozymbaev oblys äkımı Marat Ahmetjanovpen bırge Esıl jäne Nūra özenderınıŋ saǧasyndaǧy bögetterdıŋ, su ötkızu qūrylystarynyŋ, su toraptarynyŋ jai-küiın tekserdı. Sondai-aq Astana kontr retteuışı men elorda ırgesındegı Jıbek Joly auylymen aradaǧy ūzyndyǧy 6,5 şaqyrymǧa sozylǧan tospa bögettıŋ qūrylysyn qadaǧalady.

Vise-premer Qosşy qalasynyŋ maŋyndaǧy Taitöbe auylyndaǧy tasqynnan qorǧanys üşın tūrǧyzylǧan üiındınıŋ berıktıgın tekserdı. Is jüzınde auylda 7 myŋ adam tūrady. Mūndaǧy topyraq üiındısı eldı mekendı dalanyŋ erıgen suynan qorǧau qyzmetın atqarady.

Sonymen qatar Qanat Bozymbaev Nūra-Esıl özenderındegı Preobrajen su torabynyŋ jai-küiımen jäne Talapker auyly arqyly ötetın su būru kanalynyŋ jaǧalaularyn köteru jūmystarymen tanysty.

Aqmola oblysynda barlyǧy 144 su tasqyny qaupı bar eldı meken bar. Äkımdıktıŋ mälımetınşe, aldyn alu şaralary tolyǧymen aiaqtaldy.

Osylaişa, Selinograd audanynda Esıl jäne Nūra özenderınıŋ qauıptı uchaskelerınde jaǧalaudy bekıtu jäne arnasyn keŋeitu jūmystary jürgızıldı. Kökşetau qalasyndaǧy Qylşaqty özenınıŋ basseinı boiynşa tübın tereŋdetu şaralary atqaryldy.

Oblys basşylyǧy bügıngı taŋda öŋırde 107,4 şaqyrym su būru kanaldary jabdyqtalǧanyn, 38 şaqyrym özen arnalary tazartylǧanyn, ūzyndyǧy 35 şaqyrymnan asatyn özenderdıŋ su tasqyny qaupı bar uchaskelerınde jaǧalaudy bekıtu jäne tübın tereŋdetu jürgızılgenın baiandady. 131 şaqyrym böget nyǧaityldy, 21 şaqyrymnan astam jaŋadan üiındıler tūrǧyzyldy jäne 336 su ötkızu qūrylystary jabdyqtaldy.

Qanat Bozymbaev jūmys saparynyŋ qorytyndysy boiynşa su tasqyny kezeŋın qauıpsız ötkızu üşın qajettı tehnika men jeke qūramdy daiyndaudy tapsyrdy.

Ükımettıŋ baspasöz qyzmetı