Bügıngı taŋda jaǧdai baqylauda: ahual tūraqty, Tasqyn aqparattyq jüiesın paidalanu arqyly tūraqty türde monitoring jürgızılude.
Künı keşe vise-premer öŋırge bardy, Tasqyn jüiesınıŋ boljamdy derekterın taldap, özender men sai-saladaǧy su deŋgeiın naqty uaqyt rejimınde baqylap otyrǧan ahualdyq ortalyqtyŋ jūmysyn kördı, sondai-aq şūǧyl otyrys ötkızdı.
Bügın Qanat Bozymbaev Qobda audanynda boldy, sodan keiın Oiyl, Temır, Baiǧanin, Mūǧaljar jäne Alǧa audandarynyŋ aumaǧyn äueden şolyp şyǧyp, eldı mekenderdı su tasqynynan qorǧaudy qamtamasyz etetın negızgı nysandardy tekserdı.
Qanat Bozymbaev Qobda audanynda qorǧanys bögetterın, Oiyl audanynda – Oiyl auylyndaǧy özen arqyly ötetın köpırdı jäne Qaratal auylyndaǧy qorǧanys bögetın tekserdı. Temır audanynda «Babatai» qysymsyz su būru bögetıne aerovizualdy tekseru jürgızdı. Baiǧanin audany boiynşa Eŋbekşı jäne Şūbarşy auyldarynda qorǧanys bögetterınıŋ qūrylysyn, sondai-aq Şūbarqūdyq auylynda erıgen qar suyn būru arnalarynyŋ qūrylysyn qarap şyqty.
Jem özenınıŋ boiyndaǧy qorǧanys qūrylystarynyŋ jaǧdaiyna erekşe nazar audaryldy. Baiǧanin audanynda vise-premer özen saǧasyn aralap kördı. Jaŋataŋ auylynda 1,2 şaqyrymdy qūraityn qorǧanys bögetı nyǧaitylyp, arnalar keŋeitıldı, mūz keptelısı arşyldy.
Mūǧaljar audanynda Tasqyn aqparattyq jüiesınıŋ derekterıne säikes qauıptı aimaqtaǧy eldı mekenderdıŋ jaǧdaiy tekserıldı. Jem özenınıŋ boiynda Jaǧabūlaq auylynan 3,3 şaqyrym jäne oŋtüstık-batysqa qarai 1 şaqyrymdyq qorǧanys bögetterı salyndy. Saǧaşilı auylynda 2 şaqyrymdyq qorǧanys bögetı salyndy, auylışılık jäne audandyq maŋyzy bar avtomobil joldaryndaǧy aryqtar men suaǧar qūbyrlary tolyǧymen tazartyldy.
Oblys aumaǧyn baǧamdau barysynda vise-premer Aqtöbe qalasynyŋ batys bölıgın su tasqynynan qorǧaityn Sazdy su qoimasynyŋ salalaryn qarap şyqty. Qarǧaly jäne Aqtöbe su qoimalarynyŋ jaiyn äueden baqylap kördı. Bırınşı nysan qaita jaŋartuǧa äzırlık üstınde, al ekınşısı tolyǧymen jöndeuden öttı.
Oblysta su tasqynyny qaupı joǧary 58 eldı meken erekşe baqylauǧa alyndy. Sondai-aq 206 su şaruaşylyǧy qūrylymy – qataŋ baqylauda.
Oblys äkımı Ashat Şaharovtyŋ aituynşa, jaǧalaulardy nyǧaitu, özen arnalaryn tereŋdetu jäne tazartu jūmystary jürgızıldı (45 şaqyrym). 38,7 şaqyrym jaŋa qorǧanys bögetterı tūrǧyzyldy, qoldanystaǧy 32 şaqyrym bögetter jöndeldı, 19 gidrotehnikalyq qūrylystar salyndy, 155 su ötkızu qūrylymdary men qūbyrlar ornatyldy jäne jöndeldı, 150 şaqyrymnan astam aryqtar men su aǧarlar tazartyldy.
Öŋırdıŋ azamattyq qorǧau qyzmetterı joǧary daiyndyq rejimıne auystyryldy. Onyŋ qūramynda 3 625 adam, 1 122 bırlık tehnika, 103 bırlık jüzu qūraly bar. Öŋırde Almaty jäne Qyzylorda oblystarynyŋ küşterı men qūraldary jūmys ısteude. Oiyl özenınıŋ paromdyq ötkelın qamtamasyz etu üşın Qorǧanys ministrlıgınıŋ injenerlık-saperlık brigadasynyŋ qyzmetkerlerı aimaqqa jettı.
Tūrǧyndar qauıpsızdıgın qamtamasyz etu jäne eldı mekenderdı, infraqūrylymdy, auyl şaruaşylyǧy alqaptaryn su basu qaupın azaitu maqsatynda Qanat Bozymbaev öŋır äkımdıgı men TJM-ge su tasqyny jaǧdaiyna täulık boiy monitoring jürgızudı, özenderdegı su deŋgeiın baqylaudy, su qoimalarynan su jıberudı retteudı erekşe qadalaǧauda ūstaudy tapsyrdy.
