«Qaza tapqandardyŋ ǧana emes, olardyŋ otbasy müşelerınıŋ de qaryzdary men nesielerın öteu qalypty jaǧdai. Sızder otbasylardyŋ jaǧdaiyn mūqiiat saralap, balalardy, onyŋ ışınde kämeletke tolmaǧandardy oqytuǧa ketetın şyǧyndardy jabularyŋyz kerek», — dedı Qanat Bozymbaev.

Al respublikalyq biudjetten asyrauşysynan aiyrylu boiynşa memlekettık järdemaqy, saqtandyru tölemderı qarastyrylǧan jäne jerleu şyǧyndary öteledı. Vise-premer tölemderdı keşıktırmeudı tapsyrdy. Tiıstı tergeulerden keiın şahtada «Qazaqmys korporasiiasy» JŞS-de kelısımşarttyq mındettemeler qaita qaralatyn bolady.

«Tergeu onyŋ qauıptı nemese qauıpsızdıgın körsetpeiınşe, şahtadaǧy jūmysty qaita bastau turaly oilamaŋyz. Jüie men täsılderdı tübegeilı özgertu qajet, bız memleket tarapynan olardy qataitatyn bolamyz. Önerkäsıptık qauıpsızdık komitetı qūryldy, bız zaŋnamany özgertemız. Qazır Parlamentte tiıstı zaŋ jobasy qaraluda, osy zaŋ jobasy şeŋberınde Tötenşe jaǧdailar ministrlıgıne qosymşa ökılettıkter berıletın bolady. Mūndai jazataiym oqiǧalardy aldyn alu üşın bız bar küşımızdı salamyz. Memleket basşysy tergeudı mūqiiat jürgızudı tapsyrdy. Būl qūqyq qorǧau organdarynyŋ saraptamalary, önerkäsıptık qauıpsızdık komitetınıŋ tergeuı, sondai-aq sızdıŋ eŋbek inspektorlaryŋyzdyŋ tekserulerı. Sızdıŋ mındetıŋız – osy tötenşe jaǧdaiǧa kımnıŋ jol bergenın anyqtau», — dedı Qanat Bozymbaev kompaniia basşylyǧyna.

Eske sala keteiık, Ūlytau oblysyndaǧy ken ornynda bolǧan tötenşe jaǧdaiǧa bailanysty «Tau-ken nemese qūrylys jūmystaryn jürgızu kezınde qauıpsızdık erejelerın būzu» baby boiynşa qylmystyq ıs qozǧaldy.

Ükımettıŋ baspasöz qyzmetı