Premer-ministr Ükımet müşelerınıŋ, basqa da memlekettık organdar men ūiymdar basşylarynyŋ qatysuymen Memleket basşysynyŋ azamattar müddesı üşın ekonomikalyq reformalar baǧdarlamasyn jüzege asyrudy retke keltıru jönındegı tapsyrmalaryn oryndau mäselelerı boiynşa keŋes ötkızdı.
Jiyn qorytyndysy boiynşa kelesıdei şeşımder qabyldandy.
Bırınşı.
Biylǧy 16 qazannan bastap infliasiia deŋgeiı tūraqtanǧanǧa deiın Aİ-92 markaly benzin men dizel otyny baǧasyn odan ärı köteruge moratorii engızıledı.
Premer-ministr Energetika ministrlıgıne Bäsekelestıktı qorǧau jäne damytu agenttıgımen jäne öŋır äkımdıkterımen bırlesıp, tiıstı qadaǧalau jürgızudı, sondai-aq ışkı naryqty JJM-men üzdıksız qamtamasyz etu üşın qajettı şaralar qabyldaudy tapsyrdy.
Ekınşı.
Biylǧy 16 qazannan bastap barlyq tūtynuşylar toby üşın kommunaldyq qyzmetter tarifterın köteru 2026 jyldyŋ I toqsanynyŋ soŋyna deiın toqtatylady. Tarifterdıŋ ösuın tejeu tabiǧi monopoliialar subektılerınıŋ operasiialyq şyǧystaryn oŋtailandyru esebınen qamtamasyz etıledı. Būl rette TKŞ jüiesı nysandarynda josparlanǧan barlyq jöndeu jūmysy belgılengen merzımde aiaqtaluy tiıs. Aita ketu kerek, halyqtyŋ äleumettık jaǧynan osal toptary üşın tūrǧyn üi kömegın körsetu tetıgı qoldanylady.
Äleumettık maŋyzy bar azyq-tülık tauarlary baǧasynyŋ ösuıne jol bermeu üşın otandyq auyl şaruaşylyǧy tauaryn öndıruşılerdı qarjylandyru kölemın ekı ese ūlǧaitu arqyly tūraqtandyru qorlarynyŋ jūmysyna qosymşa serpın berıledı, būl öz kezegınde ÄMAT sanatyna jatatyn önımder baǧasynyŋ tömendeuıne äkeledı.
Deldaldyq shemalardy jäne sauda üstemelerın asyra qosu faktılerın anyqtau jönındegı öŋırlık komissiialar jūmysyn küşeituge erekşe nazar audarylady.
Üşınşı.
Jaŋa Salyq kodeksınıŋ şaǧyn jäne orta biznes qyzmetıne terıs äserın azaitu maqsatynda oŋailatylǧan deklarasiia negızındegı arnaiy salyq rejimın qoldanuǧa salynatyn basy artyq şekteulerdı alyp tastau turaly şeşım qabyldandy. Tyiym salynǧan tızımde, qoldanystaǧy zaŋnamadaǧydai, tek 44 qyzmet türı saqtalady.
Odan bölek, 2026 jylǧy 1 qaŋtardan bastap salyqtyq äkımşılendıru «taza paraqtan» jürgızıledı, būl mikro jäne şaǧyn bizneske qatysty kelesı jaittardy közdeidı:
- salyqtyq tekseruler alynyp tastalady;
- kameraldyq baqylau alynyp tastalady;
- sot organdaryna mämılelerdı jaramsyz dep tanu turaly talap-aryz beru toqtatylady;
- sot organdaryna tırkeudı, qaita tırkeudı jaramsyz dep tanu turaly talap-aryz beru toqtatylady.
Salyqtar men tölemder boiynşa salynǧan ösımpūldar men aiyppūldar 2026 jyldyŋ 1 säuırıne deiın negızgı qaryz ötelgen jaǧdaida joiylady.
QQS boiynşa esepke qoiu şegınen asqan salyq töleuşıler äkımşılık jauapkerşılıkke tartylmaidy.
Sondai-aq salyq töleuşıler üşın salyq jäne ädılet organdarynda kameraldyq jäne salyqtyq tekseruler jürgızbei-aq, oŋailatylǧan tärtıppen esepten şyǧaru nauqany ötkızıledı.
Būl jaŋa Salyq kodeksın kezeŋ-kezeŋımen engızuge jäne salyq töleuşıler üşın salyqtyq äkımşılendırudı jeŋıldetuge mümkındık beredı.
Törtınşı.
Bazalyq mölşerlemenıŋ köterıluıne bailanysty ekınşı deŋgeilı bankter tarapynan ipotekalyq baǧdarlamalar boiynşa ūsynystardyŋ qysqaruy aiasynda tūrǧyn üi-qūrylys jinaq jüiesın qoldau turaly şeşım qabyldandy.
Soǧan säikes, halyq üşın arzandatylǧan ipotekalyq nesie kölemı ekı ese ūlǧaiady, būl tūrǧyn üige qoljetımdılıktı qamtamasyz etuge mümkındık beredı.
Atalǧan şara qoldanystaǧy «Nauryz» jäne «Nauryz-Jūmysker» baǧdarlamalary arqyly nesieleu kölemın 500 mlrd teŋgege deiın ūlǧaitu jolymen jüzege asyrylady.
Sonymen qatar sūranysqa ie «Äskeri baspana» baǧdarlamasy qaita ıske qosylady, ol jyl saiyn kemınde jetı myŋ äskeri qyzmetşınıŋ otbasyna jaŋa üiden bölek, qaitalama naryqtan da päter satyp aluǧa mümkındık beredı.
Qūrylys kompaniialarymen osy baǧdarlamalar şeŋberınde salynatyn tūrǧyn üi qūrylysy boiynşa ofteik-kelısımşarttar jasalady. Būl rette qūrylys saluşylar üş jylǧa baǧany bekıtu boiynşa qarsy mındettemeler qabyldaidy.
Besınşı.
Otandyq avtoöndıruşıler men ekınşı deŋgeilı bankter halyqtyŋ jeŋıl avtokölık satyp aluyn qarjylandyru baǧdarlamalaryn odan ärı jalǧastyrady.
Jeke tūlǧalarǧa jeŋıl avtokölık satyp alu boiynşa lizing tetıgı engızıledı. Būl azamattardyŋ avtokölık satyp alu mümkındıkterın keŋeituge baǧyttalǧan.
Odan bölek, «Bäiterek» holdingıne qysqa merzımde şaǧyn jäne orta biznestı qoldaudyŋ qosymşa şaralary boiynşa ūsynystar beru tapsyryldy.
Premer-ministr Oljas Bektenov Ükımet jürgızıp otyrǧan reformalar elımızdıŋ ūzaqmerzımdı tūraqty ekonomikalyq ösuın qamtamasyz etuge, ekonomikada bazalyq naryqtyq qaǧidattardy tereŋ ornyqtyruǧa baǧyttalǧanyn atap öttı. Būl rette Ükımet Memleket basşysynyŋ ärbır qazaqstandyqtyŋ äl-auqatyn arttyru qajettıgı turaly nūsqaularyn, ekonomikalyq damudyŋ negızgı körsetkışı retınde qarastyra otyryp, qataŋ ūstanady.
