Soltüstık Qazaqstan oblysynyŋ Aiyrtau audany aumaǧyndaǧy Kökşetau – Ruzaevka tasjolynyŋ 141-şaqyrymynda jol-kölık oqiǧasy bolǧany jönınde jürgızuşılerden patruldık polisiia qyzmetkerlerıne habarlama tüstı. Oqiǧa ornyna SQO PD patruldık polisiia batalonynyŋ qyzmetkerlerı Erlan Dankin men Nūrlan Qojahmetov jedel jettı. Olar joldan şyǧyp, orman jolaǧyna tūryp qalǧan Renault jük kölıgın anyqtady.

Belgılı bolǧandai, 67 jastaǧy şeteldık jürgızuşı auyl şaruaşylyǧy tehnikalaryn Kökşetau qalasyna tasymaldap bara jatqan. Onyŋ aituynşa, rulde kele jatyp kenetten özın jaisyz sezınıp, esınen tanyp qalǧan. Poliseiler dereu jedel järdem şaqyryp, jürgızuşını audandyq ortalyq auruhanaǧa jetkızuge kömektestı.

Odan keiın tärtıp saqşylary auyldyq okrugtıŋ äkımı Jeŋıs Mūqaşevpen bailanysyp, arnaiy tehnika ūiymdastyruǧa järdem sūrady. Nätijesınde, jük kölıgı jol jiegıne şyǧarylyp, jaqyn maŋdaǧy serıktestık aumaǧyna jetkızıldı. Poliseiler bır mezette jüktı kütıp otyrǧan käsıporynmen de bailanys ornatyp, olar kelıp, kölık pen jüktı alyp kettı. Qazırgı uaqytta jürgızuşıge qajettı medisinalyq kömek körsetılude.