«Özenmūnaigaz» AQ zeinetkerlerınıŋ (būrynǧy qyzmetkerlerınıŋ) balalaryn jūmysqa ornalastyru:
ÖMG zeinetkerlerınıŋ (būrynǧy qyzmetkerlerınıŋ) balalary kompaniianyŋ ştatyna tıkelei alynsa, 2020 jyly bekıtılgen jūmysqa ornalasu algoritmın būzady. Algoritmge säikes ÖMG zeinetkerlerınıŋ balalary men jūmyssyz azamattar 50/50 proporsiiasy boiynşa teŋ därejede jūmysqa qabyldanady. Būl talapty oryndau mümkın emes, öitkenı jūmysqa ornalasu kezegın kütıp otyrǧan Jaŋaözen qalasynyŋ basqa jūmyssyz tūrǧyndarynyŋ qūqyǧyn būzady.
Zeinetke erte şyqqanda tölem mölşerın ūlǧaitu (300 AEK):
ÖMG-de jūmysşylarǧa merzımınen būryn zeinetke şyǧuǧa mümkındık beretın arnaiy baǧdarlama bar. Zeinet jasyna taqaǧan qyzmetkerlerge arnalǧan baǧdarlamanyŋ talaptary ailyq eseptık körsetkışke (AEK), mūnaişynyŋ ötılı men jasyna bailanysty, sonymen qatar otbasy müşesın jūmysqa ornalastyru mümkındıgı de qarastyrylǧan.
Tölem mölşerı jūmysşynyŋ ötılıne jäne zeinetke şyǧuǧa deiın qalǧan ailar sanyna bailanysty AEK negızınde esepteledı. Būl rette, tölemaqynyŋ eŋ joǧary mölşerı 125 AEK — 40 jyldan astam eŋbek ötılı bar qyzmetkerler üşın belgılengen.
Mysaly, ÖMG-de 40 jyldan astam jūmys ıstegen qyzmetker bügınde 60 jasqa kelıp erte zeinetke şyqsa, 16,6 mln teŋge alady.
Jūmysşylar käsıpodaǧy qoiyp otyrǧan talap — AEK mölşerın 125-ten 300 AEK-ke deiın ūlǧaitu, būl tölem mölşerın ekı eseden astamǧa arttyrady. Alaida kompaniiada qazırdıŋ özınde jaqsy jaǧdai jasalǧan, bır qyzmetkerge körsetıletın äleumettık qoldau mölşerı — eŋ joǧary körsetkışterdıŋ bırı.
Ūŋǧymalarǧa qyzmet körsetu basqarmasy janynan 1000 oryndyq arnaiy tehnikany jöndeitın baza salu:
ÖMG jyl saiyn arnaiy tehnikany jaŋartyp otyrady. Qazırgı uaqytta būrǧylau jūmystary basqarmasynyŋ tehnikasyn qosa alǧanda, avtoparktıŋ 65% jaŋartyldy. 2022-2024 jyldar aralyǧynda būǧan 22 mlrd teŋgeden asa qarjy jūmsaldy, al 2029 jylǧa deiın taǧy 53 mlrd teŋgeden astam bölınetın bolady. Tehnikany jaŋartudyŋ nätijesınde jöndeu jūmystary azaidy, sondyqtan jūmysşylar talap etkendei jaŋa jöndeu bazasyn salu tiımsız bolyp otyr. Arnaiy tehnikany jaŋartu jūmystary QMG tobynyŋ barlyq kompaniiasynda jürgızılıp jatyr.
Ūjymdyq şarttyŋ 2013 jylǧy redaksiiasyn qaitaru jäne derbes eŋbekaqy töleu jüiesıne ötu:
Käsıpodaq 2013 jyly qoldanysta bolǧan ÖMG ūjymdyq şartynyŋ 5.19 tarmaǧyn qaitarudy ūsynady. Būl tarmaq boiynşa jeke tabys salyǧy men mındettı zeinetaqy jarnalary jūmys beruşınıŋ esebınen tölenıp kelgen. Al 2017 jyldan berı qyzmetkerlerge jalaqy salyq ūstalǧannan keiın berıledı, būl QR zaŋnamasyna tolyǧymen säikes keledı.
2024 jyldyŋ şıldesınde Özenmūnaigaz kompaniiasynda eŋbekaqy töleudıŋ jaŋa jüiesıne ötu jūmystary bastaldy. Käsıpodaqtar men QR Eŋbek ministrlıgınıŋ qatysuymen kürdelı jūmysty ädıl baǧalauǧa negızdelgen erejeler äzırlendı. Qazırgı uaqytta ÖMG ışınde özara kelısımder jürıp jatyr.
Ūŋǧymalardy jerasty jäne kürdelı jöndeu maşinisterı men operatordyŋ sanatyn 6-7-şı därejege köteru:
Jūmysşynyŋ därejesı QR Eŋbek ministrlıgınıŋ 2018 jylǧy būiryǧymen bekıtılgen Bıryŋǧai tariftık-bılıktılık anyqtamalyǧy boiynşa belgılenedı. Qazır kürdelı jūmystarǧa tartylǧan ūŋǧymalardy jerasty jöndeu maşinisterı men operatoryna tölem 6-şy däreje boiynşa jürgızıledı. Būl osyndai jūmystar üşın ädıl aqy töleudı qamtamasyz etedı.
Ūjymdyq şartqa 30% qosymşa jalaqy töleu tärtıbın engızu:
QR zaŋnamasyna jäne ÖMG-niŋ 2023 jylǧy eŋbekaqy töleu erejelerıne säikes 30%-ǧa deiıngı üstemaqy lauazymdardy qosa atqarǧany, qyzmet körsetu türlerın keŋeitkenı nemese qosymşa funksiialardy oryndaǧany üşın tölenedı. Sondai-aq ÖMG jūmysşylarynyŋ jalaqysyna jyl saiyn indeksasiia jürgızıledı. Būl öŋırdegı basqa mūnai öndıruşı käsıporyndardaǧy ortaşa jalaqydan asady.
Aşyq derekközderden
