Kanadanyŋ, Gonkong pen Ūlybritaniianyŋ atynan tırkelgen jalǧan halyqaralyq investisiialyq kompaniia retınde körınıp, alaiaqtar azamattarǧa kündelıktı 0,5%-dan 1,5%-ǧa deiın «joǧary tabys» uäde etken türlı baǧdarlamalardy ūsynǧan.
Qatysu üşın azamattar arnaiy referaldy sılteme arqyly tırkelıp, kriptovaliuta ämiianyna 20-dan 10 000 AQŞ dollaryna deiın (USDT balamasynda) qarajat audaruy qajet bolǧan.
Alaida şyn mänınde, salymdar tek piramida ışındegı qatysuşylar arasynda qaita bölınıp otyrǧan – būrynǧylarǧa tölemder jaŋadan tartylǧan qarajat esebınen jürgızılgen.
Qatysuşylardy tartu maqsatynda küdıktıler zaŋdy investisiialyq qyzmet türınde körsetu üşın belsendı jarnama jürgızıp, keŋseler jaldap, türlı prezentasiialar men konferensiialar ūiymdastyrǧan. Sondai-aq, Telegram-arna aşyp, onda tūraqty türde joǧary tabys pen investisiialardyŋ qauıpsızdıgın nasihattaityn beinematerialdar jariialap otyrǧan.
Zaŋsyz qyzmet der kezınde toqtatylǧanynyŋ arqasynda piramidaǧa barlyǧy 30 azamat tartylǧan. Olardyŋ salǧan qarajaty 89 mln teŋgeden asady.
Qylmystyq ıs sotqa joldandy.
QR Qylmystyq-prosestık kodeksınıŋ 201-babyna säikes özge aqparat jariia etılmeidı.
Qarjylyq monitoring agenttıgı qarjy piramidalarynyŋ jolyn kesu jäne olardy anyqtau boiynşa jüielı jūmystardy jalǧastyruda.
2025 jyldyŋ basynan berı:
31 qarjy piramidasyna qatysty 90 sotqa deiıngı tergep-tekseru aiaqtaldy;
7 mlrd teŋge kölemınde zalal öteldı;
jalǧan investisiialyq jobalar turaly aqparat taratqan 14 myŋnan astam internet-resurs būǧattaldy;
Instagram men Telegram platformalarynda 535 myŋǧa juyq qatysuşysy bar 100-den astam zaŋsyz chattar jabyldy.
QMA saitynda qarjy piramidalarynyŋ tızımı jariialanǧan.
Qarjy piramidalarynyŋ belgılerın tekseruge arnalǧan «Baiqa, piramida!» Telegram-boty ıske qosyldy.
Eger Sız nemese jaqyndaryŋyz qarjy piramidasynyŋ qyzmetıne tap bolsaŋyz, tūrǧylyqty jerıŋız boiynşa Ekonomikalyq tergep-tekseru departamentıne habarlasuyŋyzdy sūraimyz.
Azamattardy qyraǧy boluǧa jäne öz jinaqtaryn kümändı qarjylyq jobalarǧa salmauǧa şaqyramyz.
QR QMA Baspasöz qyzmetı
