Aǧymdaǧy jyldyŋ säuır aiynda 16 zardap şekken adam Pavlodar oblysynyŋ sauda jäne tūtynuşylar qūqyǧyn qorǧau departamentıne özderınıŋ tūtynuşylyq qūqyqtaryn qorǧau jäne sotta öz müddelerın bıldıru turaly ötınışpen jügındı. Oqiǧanyŋ saldarynan ondaǧan adam auruhanaǧa jatyp qalyp, keibıreulerı auyr syrqatpen auyrdy. Zardap şekkenderdıŋ aituynşa, toidan keiın barlyǧy tamaqtan ulanu belgılerın sezgen. Köpşılıgıne stasionarlyq jäne ambulatoriialyq em qajet boldy, būl olardyŋ eŋbekke jaramsyzdyǧyna jäne qarjylyq şyǧynǧa äkep soqtyrdy. Eŋ auyr jaǧdaida ekı qonaq boldy: tüsık jasap, balasynan aiyrylǧan qyz jäne ışek infeksiiasyna bailanysty operasiia jasatqan er adam.
Pavlodar oblysynyŋ sauda jäne tūtynuşylar qūqyǧyn qorǧau departamentınıŋ qyzmetkerlerı zardap şekkenderge materialdyq jäne moraldyq zalaldy öteu turaly talap-aryz daiyndauǧa kömektesıp, ony restoranǧa jıberdı. Restoran talap-aryzǧa jauap bermedı.
Departament basşysynyŋ orynbasary Nūrsūlu Aubakirovanyŋ tüsındıruınşe: «Departament restoranǧa jospardan tys tekseru jürgızıp, 2024 jyldyŋ mausym aiynda jıberılgen talap-aryzǧa jauap bermegenı anyqtaldy. Tekseru qorytyndysy boiynşa restoranǧa būzuşylyqtardy joiu turaly būiryq berılıp, äkımşılık jaza qoldanu turaly qauly şyǧaryldy».
Departamenttıŋ kelesı qadamy sotqa jügınu boldy. Sapasyz qyzmet körsetkendıkten keltırılgen materialdyq jäne moraldyq ziiandy öteu turaly ıs qozǧaldy. Istı qarau barysynda sot zardap şekkenderdıŋ joǧaltqan tabysyn esepteu üşın maman tartty. Ekıbastūz qalasynyŋ soty 18 zardap şekken adamnyŋ, onyŋ ışınde ekınşı ıs boiynşa ekı adamnyŋ materialdyq jäne moraldyq ziiandy öteu turaly talabyn 5 mln teŋgeden astam somaǧa ışınara qanaǧattandyrdy. Materialdyq zalalǧa joǧaltqan tabys jäne därı-därmekke jūmsalǧan şyǧyndar kırdı, olar 1318-den 188 462 teŋgege deiın auytqydy. Moraldyq zalal üşın restoran ärbır 16 istıge 200 myŋnan 700 myŋ teŋgege deiın töleuge mındettı.
Būl oqiǧa qoǧamdyq tamaqtandyru salasynda jūmys ısteitın barlyq käsıpkerler üşın ülken sabaq. Önım sapasy men sanitariialyq normalarǧa nemqūraily qarau auyr saldarǧa äkep soqtyruy mümkın. Būl jaǧdaida zardap şekkender ötemaqy aldy, bıraq aqşaǧa satyp aluǧa bolmaityn densaulyqtaryna ziian keltırdı.
Eger tūtynuşylar ūqsas jaǧdaiǧa tap bolsa, olar Pavlodar qalasy, General Düisenov köşesı 9 mekenjaiynda ornalasqan Pavlodar oblysynyŋ sauda jäne tūtynuşylar qūqyǧyn qorǧau departamentıne jügıne alady nemese E-otinish.gov.kz, E-tutynushy.kz bıryŋǧai aqparattyq jüiesı arqyly nemese 8 (7182) 551070 telefony arqyly ystyq syzyqqa habarlasa alady.
